fbpx

《疫情下懷孕》

《疫情下懷孕》

大肚,對部分女士嚟講本來已經係個挑戰; 疫情下懷孕,簡直就係對精神同肉體嘅終極挑戰!由於擔心自己感染新冠病毒,或擔心將病毒傳俾胎兒,媽媽可能會因此而減少出街,更有媽媽取消產檢,以避免進出醫院呢類型高風險場所。但經常留喺屋企又難免覺得鬱結,取消產檢更加忽略檢查胎兒成長同媽媽嘅身體變化,絕對唔建議。若果出街同人接觸,又怕會增加感染風險,心理壓力非常大。

以上種種聽起嚟好似好誇張, 但正正就係疫情下懷孕嘅媽媽每日要面對嘅擔憂。雖然無人能夠切身了解呢啲挑戰,但從傳染學角度去睇, 新冠病毒主要透過飛沫傳染。其實,世界衛生組織至今都未能證實, 孕婦係咪會將新冠病毒傳給胎兒,至今日亦無任何從母體羊水或母乳內, 發現新冠活病毒嘅個案。另外,美國醫學協會期刊嘅報告亦指出,新冠病毒透過孕婦傳俾胎兒嘅機率非常罕見。 希望各位媽媽可以減少憂慮 ,放鬆心情。

除咗擔心感染風險外,媽媽亦可能考慮到有冇人陪產或產後屋企人可否探望嘅問題。政府早前已經恢復陪產嘅措施,不過大家亦可以按自己嘅情況同考慮, 選擇公立醫院或私院。 另外,疫情期間政府醫院嘅婦產科門診已經與其他門診分開,進入診所前亦會詳細紀錄到訪者嘅發燒或外遊歷史,令到訪媽媽有多一份保障。

要擔心咁多野,孕婦難免會有鬱結感,孕婦按摩可以有效建立愉快心情,Click 呢度了解下啦,按完人都會開心啲,祝你孕期快樂。