fbpx

《大肚婆好冇搽防曬?》

《大肚婆好冇搽防曬?》

夏天未到太陽先到,過去嘅五月,天文台最高曾錄得超過36度,係1884年開台以內最熱嘅五月!無論你喜歡雪白嘅肌膚定一身健康膚色,搽防曬都一定唔少得,但大肚媽媽好冇搽防曬呢?孕婦嘅防曬有冇咩要特別注意?

首先我哋要了解防曬嘅兩大種類分為物理性防曬同化學性防曬,兩者嘅分別可以理解為,前者係於皮膚表面加添一件防曬衣;而後者就係深入皮膚去設立防曬屏障。兩種方法各有利弊,視乎個人日常生活習慣同喜好。

物理性防曬通常含有天然礦物防曬粒子,利用鏡面原理反射折射紫外線,所以塗上產品就會立即得到保護,不需等待皮膚吸收。而且防曬成分不會滲透肌膚,刺激性較低,特別適合孕婦使用。但弊處就係容易隨著流汗或磨擦消失,減低保護力,大汗嘅孕婦就要記緊不時補搽防曬喇!

化學性防曬嘅成分能夠將紫外線轉化成熱能釋放,好處係較防磨防汗。但由於需要滲入皮膚才能起,所以一般要搽完後10-15分鐘先開始有效。孕婦嘅生理和心理均隨著懷孕而起變化,變得容易敏感,而由於化學防曬成分滲入皮膚有可能引致過敏或刺激,所以建議孕婦最好不要選用。

懷孕媽媽要keep住容光煥發,今個夏天就記得要搽防曬,因應個人需要選用適當嘅產品,亦要不時記得補搽防曬,例如可以用防曬粉代替液體狀防曬去補搽,咁就萬無一失啦!

揀啱防曬就可以多啲出街,想嘆個孕婦按摩,可以試吓登記以下連結https://www.beautymama.com.hk/最新優惠