fbpx

《”又係BB衫?”初生BB/媽媽送禮攻略》

《”又係BB衫?”初生BB/媽媽送禮攻略》

身邊有朋友啱啱生咗BB,好多人送禮送嚟送去都係BB衫,奶樽,奶嘴等等。不過BB大得快,特別係初生BB好可能1個月啲衫就唔啱著;而每個BB對奶樽奶嘴又有不同喜好,送咗都未必啱洗。咁點先可以送禮送得實用得嚟又有心思呢?

紗巾/口水肩
紗巾可以話係初生BB最常用嘅消耗品,一日用十條都唔出奇!食完嘢抹嘴又用到,媽媽夏天抱住BB果時又可以搵條紗巾隔住,等佢無咁易出汗。至於口水肩消耗量高,好多時因為跌咗食物落去又洗唔乾淨,送多幾條俾BB,多幾個款揀之餘污糟咗又有得換。

耳探溫度計/ 洗澡溫度計
初生BB沖涼嘅水溫一般係38至39度,視乎天氣而調整。 陪月員一般會教新手媽咪用手肘嚟量度水溫,但如果怕失手就可以用個溫度計嚟度一度。另外,好多時BB打完針之後好易發燒,有個耳探溫度計就可以看門口啦!

玩具
玩具對BB嚟講當然越多越好啦,而且玩具又襟玩,揀啲多顏色,有燈光或者聲效嘅玩具,分分鐘變成BB嘅最愛童年回憶!

尿片/濕紙巾
尿片/濕紙巾又係初生BB另一類用得最多嘅消耗品。送禮之前最好先問一下媽咪用開邊個牌子同咩size,咁就最實用。

適合媽媽嘅用品
初生BB當然成為眾人焦點,不過大家都唔好忘記媽咪呀!不防考慮送產後按摩,facial,紮肚等等體驗照顧媽媽身心靈嘅健康!