fbpx

產後

12 10 月

Posted at 17:58h in 文章, 產後
0 Likes

身邊有朋友啱啱生咗BB，好多人送禮送嚟送去都係BB衫，奶樽，奶嘴等等。不過BB大得快，特別係初生BB好可能1個月啲衫就唔啱著；而每個BB對奶樽奶嘴又有不同喜好，送咗都未必啱洗。咁點先可以送禮送得實用得嚟又有心思呢？紗巾/口水肩紗巾可以話係初生BB最常用嘅消耗品，一日用十條都唔出奇！食完嘢抹嘴又用到，媽媽夏天抱住BB果時又可以搵條紗巾隔住，等佢無咁易出汗。至於口水肩消耗量高，好多時因為跌咗食物落去又洗唔乾淨，送多幾條俾BB，多幾個款揀之餘污糟咗又有得換。耳探溫度計/ 洗澡溫度計初生BB沖涼嘅水溫一般係38至39度，視乎天氣而調整。 陪月員一般會教新手媽咪用手肘嚟量度水溫，但如果怕失手就可以用個溫度計嚟度一度。另外，好多時BB打完針之後好易發燒，有個耳探溫度計就可以看門口啦！玩具玩具對BB嚟講當然越多越好啦，而且玩具又襟玩，揀啲多顏色，有燈光或者聲效嘅玩具，分分鐘變成BB嘅最愛童年回憶！尿片/濕紙巾尿片/濕紙巾又係初生BB另一類用得最多嘅消耗品。送禮之前最好先問一下媽咪用開邊個牌子同咩size，咁就最實用。適合媽媽嘅用品初生BB當然成為眾人焦點，不過大家都唔好忘記媽咪呀！不防考慮送產後按摩，facial，紮肚等等體驗照顧媽媽身心靈嘅健康！ 返回文章 下一篇 ...

08 10 月

Posted at 15:05h in 文章, 產後
0 Likes

生完之後，媽咪眼裏雖然只有B仔B女，但你消失咗嘅黃蜂腰係大家都見到架（講笑mode）！懷孕期間多餘嘅脂肪同水份，會令肚皮鬆弛。想一齊搵返你條24吋腰？立即準備張瑜伽席或喺床上，同我哋一齊試下呢幾個簡單修腰運動啦！1）卷腹平躺喺瑜伽席上，屈曲雙腿並將雙手放喺大腿上。 向膝頭推上嘅時候呼氣；向返瑜伽席平躺嘅時候吸氣，重複15-20下，幫助鍛煉腹肌。2）橋式同樣平躺喺瑜伽席上，屈曲雙膝並張開雙腿至大約盆骨位置。以腹及臀嘅肌肉做一個橋式動作，吸氣保持7拍，呼氣時肚就落8拍，重複4次，幫我哋收緊腹肌。3）抬腿平躺之後屈曲左腳支撐身體，然後將伸直嘅右腳慢慢抬起，直到身體同右腳成90度。呼吸方面我哋同樣保持上呼氣，落吸氣。每邊腳做15-20下，就可以修細腰兩邊嘅肌肉，搵返條腰！4）申縮雙腿同以上抬腿運動相似，不過今次我哋要將雙腿都屈曲，然後抬起小腿成90度，腳指尖指向前。準備動作做好之後，慢慢將雙腿向自己拉，然後放鬆返回90度位置，同樣係做15-20下。注意：順產媽咪一般喺產後 4至6個禮拜就可以開始做修復運動； 而剖腹媽咪就要6至8個禮拜後，等醫生診斷惡露已經排清，傷口完全復原，先好進行收腹運動呀 。夠勤力都要啱方向，紮完個肚令到內臟修復再做運動，事半功倍，想試吓我哋BeautyMama嘅紮肚服務可以去以下嘅link了解更多 https://www.beautymama.com.hk/最新優惠/相關文章：我適合古法紮肚嗎古法紮肚 返回文章 下一篇 登記產後按摩試做優惠[forminator_form id="20228"]...

08 10 月

Posted at 14:56h in 文章, 產後
0 Likes

媽媽為生小朋友嘅付出， 除了係承受精神上嘅壓力，擔心胎兒健康，為子女的將來打算外， 其實身體上都付出不少。由懷胎十月嘅不適，到生產時嘅痛楚；生產後身型更有可能「走樣」。所以近年，唔少孕婦嘗試古法紮肚，以改善產後身型。 究竟咩係紮肚？紮肚嘅原理又係點？要了解紮肚點樣改善產後身形，就首先要了解生產對身型有可能造成嘅變化。懷孕期間，孕婦有可能因腹部過度擴張而出現「腹直肌分離症」。腹直肌係兩組響腹部中央嘅肌肉，懷孕令腹部脹大，因而導致腹部筋膜層被拉鬆，甚至無法回復原來位置，肚皮無足夠承托力，而令內臓移位。盆骨亦會隨著懷孕而向外擴張，變得扁闊「走樣」。體內變化而言 ，胎兒一日一日在子宮成長，而被撐大了嘅子宮會令大小腸及同其他器官受壓，令新陳代謝變慢， 容易積聚肚風，從而導致毒素，宿便問題。亦有機會出現大肚腩、腰痛、肥胖、虎背熊腰，甚至尿滲等問題。紮肚源於馬來西亞皇族，原理就係利用人手按摩腹部按摩，有時候亦會配合天然精油使用，從而疏通經絡，以達致去水腫嘅效果。最後以紮身帶縛住胸部以下到盤骨嘅位置，整個療程大約10至15天。相傳甚至可以改善與生俱來的豪華臀部。但各位媽媽要注意，紮肚唔係用來消脂，而係輔助產後修身，所以必須同時配合飲食和運動，先至能夠達至減肥作用。如果想試吓我哋BeautyMama嘅紮肚服務可以去以下嘅link 了解更多 https://www.beautymama.com.hk/最新優惠/相關文章：“又係BB衫？”初生BB/媽媽送禮攻略  返回文章 下一篇 ...

08 10 月

Posted at 14:51h in 文章, 產後
0 Likes

十月懷胎順利御貨後，唔少升呢阿媽既JM，全副精神心機都會放晒落阿B度，所有關於阿B既野都會高度關注，講既唔止係衣食住行身體狀況，仲有一齊可以〈留住阿B呢一刻〉既一切行動，都正式開展；影BB寫真、整立體手仔腳仔、儲臍帶血、買定12個月既相架、乳齒儲存盒，上網同唔同既媽媽朋友傾開，其實以上種種，原來只係最基本既動作咋。做左阿媽就會明，阿B大得好快，所以對於有關仔女所有野，都會用盡方法保留，我聽過有阿媽想將阿B第一PAT屎都真空處理，唔係誇張係真人真事。其實又唔駛咁去到咁盡既，想將BB相關既野留念，坊間都有唔少產品，直接上網訂就得，今日同大家分享下，最有紀念價值又受歡迎成品，睇下邊D啱心水。阿B出世後，唔少人都會擇日幫阿B剃胎毛，胎毛最常做成毛筆，以前D人會留嚟入學時開筆，寓意學業有成，家下就梗係作為留念，無乜人真係會用。至於十天八日甩落嚟既臍帶，話晒係第一道連繫住兩母子既根源，最多人就將臍帶用水晶膠製成印章，以前去銀行儲錢攞錢，唔少人都會用印章，寓意阿B一世有財，亦有人會製成鎖匙扣，寓意阿B有屋有房。近年仲有D新搞作，由BB同媽媽連埋一齊既crossover成品，就係用母乳、胎毛同埋臍帶混埋，再用唔同既物料，訂造出唔同既鉓物，好似頸鍊、耳環、手鍊、戒指、吊飾咁，真係去到邊都可以繼續母子連心，做阿媽既當然最開心係可以繼續不停SHOP喇!https://m.facebook.com/PreciousThesilveris/https://www.pipisodiy.com/categories/umbilical-cordhttps://www.pipisodiy.com/categories/breast-milkhttps://www.pipisodiy.com/categories/lanugo想放鬆心情，可以試下BeautyMama 孕婦按摩，Click以下連結 https://www.beautymama.com.hk/最新優惠相關文章：“又係BB衫？”初生BB/媽媽送禮攻略  返回文章 下一篇 ...

08 10 月

Posted at 14:29h in 文章, 產後
0 Likes

普遍人認為女人生產後好像會變得比較蠢, 而且無記性,但是否有科學根據呢?原來不少腦科學都有研究這個問題，發現原來媽媽在懷孕時期，荷爾蒙會不停變化，並逐漸影響大腦其中掌管情緒的部分 一 Amydala 的功能。而這是一個必要的影響，這是為了讓媽媽於生產後能更體貼地照顧BB需要，令媽媽能更容易閱讀到BB的情緒變化。這個掌管情緒的部分還會幫助孕媽媽建立對胎兒的同理心及依附關係機制。很多時媽媽的家人和朋友會斥責她們過分緊張，應該放鬆一點，不要太專注於BB。其實這是在進化心理學說中所講的一個重要生理機制，為的是確保下一代能得到足夠照顧繼續生存。所以當BB出世後，媽媽會比其他人敏感，更快地留意及察覺到BB的一舉一動。 現代科學及心理學研究就能解釋到其實媽媽們過份緊張的行為和反應,都是生理反應受荷爾蒙影響。相對他人，她們會更容易聽到BB哭鬧聲，感受到BB的不安，同時亦較容易受BB正面情緒所感染。這些都是孕媽媽準備照顧初生BB一個不可或缺的環節。 作為孕媽媽及她的伴侶、家人和朋友應對她們多點包容。她們不是刻意將你們放一邊，不是嫌你們不夠幫助，或她們已變蠢及健忘。反而是她們的生理及心理機制抑壓她們去留意及處理其他事項，確保媽媽能保留更多心神照顧孩子。 她們只是比「妳」更能閱讀到BB的感受，繪形繪聲地替BB演繹，請相信媽媽們的直覺。再講，這些轉變亦是媽媽與BB建立良好親子關係的重要里程碑。何善韻博士(孕期心理學專家) 想放鬆心情，可以試下BeautyMama 孕婦按摩，Click以下連結 https://www.beautymama.com.hk/最新優惠相關文章：孕期夫妻關係 如何影響產後親子關係孕媽媽心情如何輔助小朋友的情緒發展?親子關係 一切從懷孕開始你有機會會患上產後焦慮症嗎？老婆大肚！點做個100分爸爸 全方位孕婦情緒支援新手爸爸101：認清孕婦心理變化同可能產生焦慮嘅原因  返回文章 下一篇 ...

08 10 月

Posted at 13:55h in 文章, 產後
0 Likes

產後抑鬱症大家可能都聽得多，產後焦慮症，大家又聽過未？擔心BB出世後應付唔到咁多野有時無緣無故會感到唔開心或抑鬱有時會怕自己唔係一個稱職既媽媽經常會擔心怕樣樣都安排得唔夠好根據 Yiu, Szeto, Wong & Miao (2009) 係香港既研究顯示，當時係香港共157個產後精神科轉介個案當中只有 43% 出現產後抑鬱48% 出現產後焦慮係懷孕過程中就已經出現過焦慮症狀而未有及時處理媽媽快樂 = BB快樂     媽媽健康 = BB健康 快將為人母嘅你，記住首先要照顧自己嘅身、心、靈健康先可以孕育出一個精靈活潑可愛嘅BB。如何照顧到身心靈？遠離焦慮？身懷孕期間，因體重增加或荷爾蒙變化等有機會導致腳部浮腫、脹痛及抽筋等，引發坐骨神經痛及腰 酸背痛。有信譽及有經驗的孕婦按摩可以舒緩因懷孕導致身體上的不適，減少了周身骨痛，身體放鬆，達致快樂。按摩有助促進血液循環，達致健康，遠離焦慮症。心另一些研究亦顯示，要有效減低患上產後焦慮症嘅風險，其實係可以透過心理教育(Psychoeducation)去預先協助準媽媽了解生產過程，產後嘅生活變化，初生BB嘅生理同心理需要。令媽媽產後育兒路上更得心應手 。減低患上產後焦慮嘅風險之餘有更多心力去同BB互動，了解BB需要，建立良好既親子關係，增加BB嘅安全感建立。靈懷孕期間，爸爸的愛是不能忽視的。爸爸適當的照料、支持及鼓勵對媽媽及BB有身心帶來正面 的影響。當媽媽身體因懷孕感到不適，爸爸能為媽媽作適合的舒緩按摩，媽媽得到身體上的舒緩。媽媽感到爸爸滿滿的愛，促進夫妻感情，BB亦能感受到爸爸的愛 。記住0-1歲係BB建立安全感嘅重要階段，亦奠定BB日後良好人際關係嘅基礎，邁向成功嘅關鍵。李何善韻博士Dr. Bianca Sin-Wan HOEd.D in Educational Psychology (CUHK)M.A. in Counselling Psychology (USM, U.S.)Registered Counselling Psychologist (HKPS)美國有權威報告顯示孕婦按摩有效提升孕婦身、心、靈健康，遠離產後抑鬱，按摩＝開心想放鬆心情，可以試下BeautyMama 孕婦按摩，Click以下連結 https://www.beautymama.com.hk/最新優惠/相關文章：老婆大肚！點做個100分爸爸 全方位孕婦情緒支援新手爸爸101：認清孕婦心理變化同可能產生焦慮嘅原因 返回文章 下一篇 ...

07 10 月

Posted at 15:40h in 文章, 產後
0 Likes

做人要夠薑，大肚陀B更加要夠薑! 薑有驅寒、止嘔、預防感冒、止痛、止瀉、健胃嘅功效。佢仲含有多種礦物質，好似鈣﹑鐵﹑磷及維他命A﹑B﹑C﹑胡蘿蔔素咁，唔講唔知，喺懷孕早中晚以至生完B，每個時期都用得著佢。懷孕頭三個月，體內荷爾蒙分泌增加，會分泌大量黃體素嚟穩定子宮，主要係減少子宮嘅平滑肌收縮，等阿B有個更穩定嘅地方成長，但咁樣同時會影響到腸胃嘅平滑肌蠕動，會好易令到大肚婆噁心、反胃、嘔胃水或者嘔到停唔到，有人嚴重到離唔開個馬桶，你都咪話唔得人驚。薑入面嘅薑醇(Gingerols) 及薑烯酚(Shogaols)對於早期孕吐，係有舒緩嘅功效。喺懷孕五個月開始，BB喺肚入面會大得好快，孕婦每週體重會增加1至2磅，血液循環會因為體重增加而變得無咁順暢，好常會出現水腫、抽筋嘅情況。呢個時期，孕婦可以用薑粉沖水浸腳，消除水腫，同埋減少下肢唔舒服嘅情況。到坐月期間，傳統上惡露清晒後會食豬腳薑，薑飯，有助祛風去瘀﹑沖涼又會用薑水，減少日後患上風濕及關節痛等毛病嘅風險；仲有幫助產後恢復好面色，含有薑成份嘅Mask，內服外用，你話懷孕點可以唔夠薑呀!薑係好東西，但要注意以下幾點:● 孕婦吃薑要適量。● 如果熱氣生瘡，就要暫時禁食。● 宜加入湯或餸菜同食，唔好單獨食。● 最好係朝早飲薑水，有助暖身，提神。● 爛左嘅薑唔好食，會產生黃樟素，對肝細胞造成損害。● 加工或醃製過嘅薑，最好都少食或者唔食。● 天然薑汁宜用溫水沖飲，糖份可免則免。 想放鬆心情，可以試下BeautyMama 孕婦按摩，Click以下連結https://www.beautymama.com.hk/最新優惠/相關文章：孕期Coffee Tea or B一文睇清懷孕前、中、後期要補充咩營養（前期）一文睇清懷孕前、中、後期要補充咩營養（中期）一文睇清懷孕前、中、後期要補充咩營養（後期）懷孕營養懶人包 素食者都啱睇大肚婆食幾多先夠 返回文章 下一篇 ...

07 10 月

Posted at 13:09h in 文章, 產後
0 Likes

一個生育過程產前產後都好重要，好多準媽媽都會請陪月員幫忙，咁究竟點揀陪月員先好呢？最好當然係有朋友請過再介紹，請返同一位陪月員的信心都會多啲。如果無，都不緊要。不論有或無都可以參考吓以下幾點：陪月的態度通常請陪月之前都會見個面，準媽媽可以詢問一下陪月員以往經驗，從對話中可以知道陪月係咪鍾意小朋友、有耐性、有善咁回答問題，以及當準媽媽和陪月員有唔同意見時，陪月員會點樣處理，咁係相當重要，因為當準媽媽分娩之後有一個月或以上的時間和陪月員相處，當中有好多事情要磨合。能選擇一個可以培養嘅陪月員就好啦。工作範圍陪月員的工作主要是照顧產婦和初生嬰兒，好讓產婦可以好好休息、調理好身體，以及指導產婦日後如何可以好好照顧嬰兒。每位陪月員的工作範圍可能都不一樣，甚至有啲陪月員可能會提供古法紮肚服務。以膳食為例，有些陪月員會每日準備產婦一日三餐，甚至五餐嘅膳食，但有些陪月員可能一日只準備兩餐，為免相方係陪月員上工後感到不快，最好於請之前問清楚。膳食陪月員會照顧產婦的膳食，有時可能還會照顧埋產婦一家人嘅飲食。如果陪月員唔係地獄廚神而係真正嘅美味廚神，咁就真係賞心樂事。如果陪月員係經朋友介紹嘅，咁可以問一下朋友。如果唔係經朋友介紹，咁可以睇吓陪月員有無推薦信，可能推薦信有相關內容。餵哺母乳如果準媽媽希望係分勉後餵哺母乳，可以選擇一位有母乳餵哺證書嘅陪月員。但如果準媽媽唔係好確定，那可以找一位有餵哺母乳同餵奶粉經驗嘅陪月員，而兩者比例相若。最後，希望各位準媽媽都可以找到一個好幫手。 想放鬆心情，可以試下BeautyMama 孕婦按摩，Click以下連結                                  https://www.beautymama.com.hk/最新優惠 返回文章 下一篇 登記紮肚試做優惠[forminator_form id="20228"]...

07 10 月

Posted at 13:04h in 文章, 產後
0 Likes

由於我朋友介紹的陪月員全部都未能幫忙，所以請咗一個由我朋友介紹嘅其中一個陪月員所介紹嘅陪月員，諗住安心晒，等我生咗有陪月員幫手湊B同解決我一日三餐嘅問題，咁我可以休息下(產前忙到癲)，點知…… 唉！係臨生前約一個月，陪月員比咗一個長過兩頁紙嘅藥材、食材清單我，叫我係生之前預備定，我當然搵我老公幫手去買，佢都唔敢買太多，每樣買一啲，用晒可以再買，但其實都好多，突然買咁多嘢返嚟，我哋就用大袋入住放喺地下，當中有一包大大包薑皮。話咁快，我就開刀生咗啦！陪月員上工，佢煮嘢食都幾好味，但有啲嘢就唔肯合作，例如我想佢將小B食奶、換尿片時間寫係一本notebook度，同佢講，佢唔肯寫，每日放工前佢將啲時間寫係廚房個白板度，要我跟，咁係方便佢，但係麻煩到我。呢件係小事，最經典係佢每星期放假之前，佢唔會幫我定啲代茶，我打電話問佢，佢叫我自己可以去，本來佢唔幫手，我自己做到都無所謂，最大問題係我開刀生完有傷口，我踎低唔到，佢叫我可以坐凳仔去，呢下真係嬲，我坐完凳仔可能起唔到身，佢完全唔理人感受，亦無做好本份。另外，陪月員每日會留返買餸單，每星期係佢放假前同我計數，佢會比啲單我計吓啱唔啱，佢啲買餸單上面有啲時間，我問佢係乜，佢先至講話係佢啲超時工作，我問佢點計，佢話佢每日返朝九晚五，早到唔計，遲走15分鐘唔計OT，遲走多過15分鐘計OT。特別嘅係佢話自己5:16走，竟然計16分鐘OT (我以為只會計1分鐘，佢重好串咁話1分鐘計嚟做乜)，其實我聽到嘅時候真係幾嬲，因為佢重來都無講過話每日超時咗幾多，我亦無記低個佢返放工時間，佢簽約時又無講明超時點計，咁突然只可以當佢係真，坐緊月要靠佢，所以只可以比錢了事。之後我唯有每日效鬧鐘，準時下午5點，就算佢未做完嘢都叫佢走，免得佢又話自己要OT。終於我捱完一個月多啲，陪月員完約，我身體唔見得幾好，惡露清唔到，重係鮮紅色，陪月員叫我去睇醫生，anyways，我想講嘅係佢剩返好多藥材、食材(一開頭叫我哋買嗰啲)，其中嗰包薑皮重係完封不動咁放喺度，最好笑係個陪月叫我退返比間藥房，但係攞嚟攞去嘥時間，結果我將包薑皮送咗比垃圾筒。其實我想分享下我嘅經驗，希望各位準媽媽可以揾埋爸爸同陪月員傾好細節，唔會好似我咁做一隻嬲嬲豬。記得要學識點揀好嘅陪月員喇陪月員，點揀好 想放鬆心情，可以試下BeautyMama 孕婦按摩，Click以下連結https://www.beautymama.com.hk/最新優惠  返回文章 下一篇 登記紮肚試做優惠[forminator_form id="20228"][forminator_form id="22693"]...

07 10 月

Posted at 12:17h in 文章, 產後
0 Likes

近年興起紮肚幫助產後修身，城中女星明媛都熱捧。甚至有未生育過的客人，希望嘗試透過紮肚改善身型。究竟紮肚療程適合什麼人？古法紮肚是透過人手按摩和束帶紮身，改善腹直肌分離，盆骨擴張，宮寒，惡露等問題；有助新陳代謝，收肚腩，以達至重塑造身型的效果。古法紮肚傳統是針對產後婦女回復產前身型，但其實對想纖體，或纖體後想定型的女士也有一定幫助。順產的媽媽一般只需等大約一個月，待體質恢復，惡露排清過後，就可以開始療程；而剖腹分娩的媽媽則須3個月後才好開始紮肚喔！剛才提過，古法紮肚對纖體有一定幫助，所以其實未生產過的女士，或已分娩多年的媽媽也可以接受療程以改善身型。當然，媽媽剛生產完，體內還有鬆弛素，組織和骨骼會都會較易修復，因此產後半年會是紮肚黃金期。但各位千萬不可以心急，一定要按個人身體情況，或參考專業意見後才選擇開始療程。但亦不是所有人都適合古法紮肚，特別是盤骨有舊患或下盤比較脆弱的女士就應最好先諮詢醫生的專業意見。最後，大家要緊記古法紮肚療程一般長10-15日。無論是任何身體狀況的女士接受知此療程，都要明白這是輔助修身，而非幫助消脂的方法，千萬不要單純依賴古法紮肚而希望達致瘦身。若不當地延長紮肚時間，反而會令肌肉產生依賴，減低自身肌肉的力量。如果想試吓我哋BeautyMama嘅紮肚服務可以去以下嘅link 了解更多https://www.beautymama.com.hk/最新優惠  返回文章 下一篇 登記紮肚試做優惠[forminator_form id="20228"]...