fbpx

《意外之後,喜出望外?》 何博士心理系列 (第 6 篇)

Category : 懷孕前

看著驗孕棒的一刻,心跳開始加速。淡淡的兩條線,即代表自己肚內多了一個小生命嗎?多次失望後再不敢有期望,疑幻似真的感覺,要先再到婦產科確認一下,還是立即通知老公?應怎認?腦內出現一連串的問題,一時消化不了內心的喜悦和恐懼。

對以上情景,有似曾相識的感覺嗎?在香港,不少夫婦曾為生育而困擾。往往在準備放棄之際,發現懷孕,喜出望外,同時也膽戰心驚,怕隨時會失去小生命而變得慌張、焦躁,甚至產前抑鬱。

孕婦初期會因為害怕走動太多而作小產或早產。如在懷孕初期曾有「流啡」或作小產的徵兆,她們更會變得更小心,避免做任何大動作或運動,甚至停止進行任何有益身心的活動,以避免影響胎兒的成長。就算到了懷孕中後期,胎兒已安穩地成長,她們都不願挺而走險,寧願忍受孕期各種不適如腰背酸痛。結果不適沒有減輕,反而更因預產期漸近而憂慮不安,身心疲累。同時因社交活動大減,令患上產前及產後抑鬱的風險大大提升。新手父母更會因育兒的事情壓力大增,產生磨擦影響到夫妻關係。

其實因懷孕、生產及育兒的事情感到緊張及焦慮是人知常情。但必須要留意自己的情緒健康,如意識到壓力焦慮超標,就應尋找舒緩方式如聽音樂、看書、 小休、品茶、會友、美容、瑜珈、按摩、到郊外散步或運動等。如以上方法仍未能改善情緒,心情持續鬱悶或憂心,便應盡快尋求專業輔導,以解心中鬱結,減低產前或產後抑鬱的風險。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕期抑鬱要知多啲

  2. 成為媽媽後 真的會變蟲及健忘

  3. 孕期夫妻關係 如何影響產後親子關係

  4. 孕媽媽心情如何輔助小朋友的情緒發展?

  5. 親子關係 一切從懷孕開始

  6. 你有機會會患上產後焦慮症嗎?

  7. 老婆大肚!點做個100分爸爸 全方位孕婦情緒支援

  8. 新手爸爸101:認清孕婦心理變化同可能產生焦慮嘅原因


《孕期夫妻關係 如何影響產後親子關係》 何博士心理系列 (第 3 篇)

Category : 懷孕中 , 懷孕前

如你看到題目便心想“不需要孕期心理學家也知道夫妻關係要好,才能建立良好的親子關係”,那你一定要看這篇文章,因為你只答對了一半!

根據2017年3月刊登的嬰兒精神健康研究,發現原來夫妻關係只會影響到準爸爸們與BB嘅親子關係,媽媽就不受影響。

如準爸爸感覺到太太沒有讓他們參與生產,產後及育兒準備,通常會令夫妻間變得疏離,準爸爸更有可能寧願工作,不願回家令夫妻關係變得更差。

而因為母親的天性,需要保護BB,夫婦關係不太會影響媽媽與BB建立親子關係。反而孕媽媽會因個人因素及自身安全感影響到親密依附(親子關係)的素質。如媽媽在孕期內感到抑鬱(上篇已提及 過)或時常有以下想法:

  • 害怕丈夫嫌棄或拋棄自己

  • 懷疑自己不是丈夫最愛

  • 覺得丈夫沒有從前愛自己

  • 覺得丈夫對自己及BB不夠好

  • 猜度丈夫是否一個好爸爸

這些想法都會牽動到媽媽的情緒,繼而不自覺地太留意丈夫的言行,甚至產生懷疑繼而又影響媽媽情緒,惡性循環,這不只影響到孕期的親密依附(親子關係),亦令夫妻及親子關係變差。

如在孕期中的你出現以上情況,先必冷靜了解自己是否屬於缺乏安全感的一群(其實是不少的,但可調較),若然是,你要學習調整心態,作為媽媽你要為BB學習踏出第一步,學習相信枕邊人,不要懷疑及猜度。

照顧好自己心情,減低產生抑鬱情緒,定期做有規律的舒緩身心活動。如情況未有改善,請盡快找專業人士作產前輔導。

媽媽快樂,所以孩子快樂,看得懂的你會知道,有安全感的BB來自有安全感(尤其是對丈夫)的媽媽。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕媽媽心情如何輔助小朋友的情緒發展?

  2. 親子關係 一切從懷孕開始

  3. 你有機會會患上產後焦慮症嗎?

  4. 老婆大肚!點做個100分爸爸 全方位孕婦情緒支援

  5. 新手爸爸101:認清孕婦心理變化同可能產生焦慮嘅原因


《新政策積極消除懷孕歧視》

Category : 懷孕中 , 懷孕前

我留意到公司多咗大肚婆!記得有次同外國同事講起香港產假「前4後6」, 總共都係得十個禮拜,佢哋真係聽到眼都凸埋。 雖然對比外國長達6-10個月嘅產假,本港法定產假都仲有一段距離。不過好消息係由上年12月11日開始,法定產假已經由10個禮拜延長至14個禮拜。

政府亦隨即推出「發還產假薪酬計劃」,幫助僱主承擔延長後第11至14個禮拜嘅額外薪金。 只要透過「發還易」網站,就可以申請以每名僱員80,000元為上限嘅補償。

對於「手停口停」或者請長假有困難嘅打工仔嚟講真係個喜訊!即係全港在職懷孕媽媽🤰唔怕老闆嬲豬啦。

產假放得安心好多,減低歧視之餘,亦鼓勵生育。老闆申請咗補助又可以有多個選擇聘請散工。幾時都話香港大肚婆是幸福的💕

如果你係僱主,就留意要符合以下條件先合資格申請薪金發還:

  1. 申請所涵蓋嘅僱員須由申請人僱用,並符合《僱傭條例》訂明享有產假同產假薪酬嘅資格;

  2. 僱員已放產假及申請人已向僱員支付全數14個禮拜嘅產假薪酬;

  3. 僱員於2020年12月11日或之後分娩;

  4. 已支付予僱員的新增四個星期產假薪酬不曾及將不會獲其他政府撥款支付或補貼。

相關綱店 : https://www.rmlps.gov.hk

想慶祝吓新政策,可以嚟試做下我地嘅專業孕婦按摩療程

https://www.beautymama.com.hk/latest-offer/


《慣性流產:邊個嘅錯?》

Category : 懷孕前

慣性流產指懷孕12週內,連續兩次以上嘅自然流產。根據衛生署家庭健康服務嘅統計,本港每100名女性,就有一名出現慣性流產。當中嘅原因相當複雜,亦唔一定只係同媽媽有關。

1. 染色體異常

如果兩夫妻其中一方嘅基因出現染色體平衡移位,當中嘅生殖細胞就有四分之一機會導致流產或畸胎。避免此類型流產,建議夫婦計劃生育前,安排基因檢測包括:

– 核型分析測試/染色體核形分析檢測

– 晶片式全基因體定量分析/產前基因睇晶片( C M A )檢測

2. 子宮畸形、異常

先天性雙子宮、中隔子宮或者是後天性子宮頸無力、子宮內膜黏連、子宮肌瘤等都有機會影響受精卵著床。建議女性計劃生育前,安排陰道超聲波檢查,排除可能引致流產嘅風險。

3. 凝血異常

身體嘅保護機制會令孕婦血液較易凝固,避免生產時大量出血。但如果女性本身就凝血異常,變相容易懷孕期間血液循環變差,令胎兒無辦法吸收營養,導致流產或死胎。

4. 內分泌異常

內分泌問題如黃體素不足、肥胖、甲狀腺功能長期處於低水平等,都係造成流產嘅常見因素。如果你有以上問題就最好搵醫生傾傾。

5. 孕婦年齡

卵子質素會隨住年齡退化,小產嘅機會亦會隨之而上升,由30歲嘅兩成急升到42歲嘅五成。孕婦本身嘅長期病患如糖尿、血壓高等亦會增加小產風險。


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

代孕知多D


《代孕知多D》

Category : 懷孕前

近期國內有女星因代孕棄養,多年事業被一鋪清袋,呢單新聞一出,我身邊唔少朋友都對代孕好感興趣,係咁問我相關嘅野,索性一次過將睇嚟複雜嘅事,簡單化咁講解下,唔駛我講完又講嘛!

代孕(Surrogacy)最早係《聖經·創世紀》出現,係輔助生育嘅一種方式,直白D講就係借人家嘅子宮孕育及生BB? 至於點解要咁做,理由千千萬萬,用個生活化D嘅比喻,你想整麪包,自家焗爐壞左,又或者你唔想整污漕自己個爐,唔想事後清理,甚或你家根本無焗爐(男同),以至你純貪方便,唔想自己承受孕期中嘅不適及風險……咁最好嘅方案,咪就係代孕囉!

代孕都有好幾種方式,滿足唔同人嘅需要,簡單可以劃分為以下四種:

  1. 精子和卵子係兩公婆嘅,淨係借用代孕媽媽嘅子宮,坊間叫呢種方式做「全程代孕」。

  2. 精子由丈夫提供,卵子就由代孕者提供,經體外授精後,由代孕者懷孕生育,一般都係因為太太卵子質量唔夠靚,又或者男方純粹只係想要子嗣。

  3. 精子由第三方提供,卵子由代孕媽媽提供,經人工授精後,由代孕者懷孕生育,兩公婆都有不育問題嘅話,好多時會採用呢種方式。

  4. 女方提供卵子,經優質人工授精後通過胚胎移植由代孕者生育,同第2種方式相若,只不過主導者係女方。

雖則話代孕越嚟越普遍,但係全球仲未有統一規條監管,成個代孕以至生產嘅過程中,變數多不勝數,所以如果想生B,除非自己真係無能為力,否則事前Check清楚自己嘅身體狀況,可修嘅修可補嘅補,生B用返自己個爐,親身感受孕期中母子連心嘅悸動,先至係上算之策。

改善自己身體嘅質素,可以從飲食開始,可以參考吓以下文章

  1. 孕期Coffee Tea or B

  2. 一文睇清懷孕前、中、後期要補充咩營養(前期)

  3. 一文睇清懷孕前、中、後期要補充咩營養(中期)

  4. 一文睇清懷孕前、中、後期要補充咩營養(後期)

  5. 懷孕營養懶人包 素食者都啱睇

  6. 大肚婆食幾多先夠

  7. 懷孕要夠”薑”

  8. 懷孕重口味


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


《大肚婆食幾多先夠》

Category : 懷孕前

養胎唔養肉,肥肚不肥身,相信係每個大肚媽咪嘅目標。想攝取到足夠營養,又唔會過份增磅,就首先要摒棄「EAT FOR TWO」 呢個想法! 食太多,最後只會肥落媽咪身上。與其諗住因為體內多咗個B,而要增加食量,不如精挑細選你進食嘅質量,為BB提供所需營養。

媽媽同胎兒分別喺懷孕過程中嘅不同階段,會需要攝取不同營養。一般嚟講,媽咪嘅營養吸收主要針對避免孕期不適,例如抽筋,脫髮,骨質疏鬆,同產後記憶力下降等問題;而胎兒所需嘅營養,例如:維生素B12、葉酸、鈣、鐵、DHA 等,就主要幫助神經系統發展,降低神經管畸形,兔唇等等嘅機率。

醫生建議健康BMI嘅女士,喺懷孕期間總體重增加25至35磅就可以。這些增加嘅磅數包括嬰兒、胎盤、羊水、乳房組織等等。BB體重喺頭三個月一般只有20-30g,所以如果媽媽喺呢個時候已經增磅,就好大可能肥落自己身上!到懷孕中期同後期,就建議媽咪可以每日增加300卡嘅卡路里。整個孕期而言,1-3月建議整體增加1至4磅,4-9個月每月加2至4磅,體重集中係懷孕最後三個月先明顯增加就最理想。

唔節制咁增加食量,除咗令媽咪體重上升,變相產後修身更困難,增加患上高血壓同妊娠糖尿嘅風險之外,巨嬰亦會增加生產嘅風險,及有更高機會需要剖腹,所以各位媽咪記得控制食量呀。


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕期Coffee Tea or B

  2. 一文睇清懷孕前、中、後期要補充咩營養(前期)

  3. 一文睇清懷孕前、中、後期要補充咩營養(中期)

  4. 一文睇清懷孕前、中、後期要補充咩營養(後期)


《孕期Coffee Tea or B…?》

Category : 懷孕中 , 懷孕前

Coffee, tea or B? 呢句說話由我確認大肚個日開始,就係咁有把聲不停咁係肚入面講,係呀,個B咪就係我肚入面個BB囉! 同大部份既港女一樣,好鬼鍾意咖啡奶茶同可樂,朝早餐後無左杯回魂啡,下午茶奶茶消失,食雞煲打邊爐無可樂回一回胃氣,咁既日子真係一日都嫌多,莫講話十月懷胎,講係咁講姐,舉起杯心頭好,再望一望個肚,Coffee, tea or B? 唉!又嚟喇!

根據唔少醫學文獻記載,全部都係咖啡因既錯,呢種常見於茶啡汽水既成份,過量(一般都係講緊每日200毫克左右)飲用既話,會增加早產、畸胎等風險,更甚會影響埋BB出生後既成長及發育,聽到都一額汗,為左我地心愛既BB,唯有忍得就忍,真忍無可忍,我會係份量及沖調方式注意多D,淺嚐解心癮,始終我呢個大肚婆心情舒暢,對肚入面既“B”都會好D。

飲料名稱

每杯250毫升的咖啡因數量 (毫克)

純咖啡

100 – 170mg

即溶咖啡

76 – 106mg

Cappuccino

45 – 75mg

caffè latte

45 – 75mg

紅茶

43- 80mg

綠茶

25-48mgi

無咖啡因的茶和咖啡

0 – 5mg

可樂

30mg* (1罐 355毫升)

資料來源:  Dietitians of Canada.  (2017, March 6).  Thinking About Having A Baby?

Retrieved from https://www.dietitians.ca/

既然係咖啡因惹的禍,就係呢度入手!市面上,無論咖啡,茶及可樂,都有低因及無咖啡因既產品,茶啡都可以揀走糖,但至愛既Coke,就算無糖都係甜,咁我會轉飲有汽既水或者梳打水喇,反正都係為左啖氣,之不過記住梳打水係無營養兼含納,都係個句,間中放縱飲下氹下自己,仲有助改善便秘添!

呀!唔記得大肚婆無記性,飲杯野都要計一輪咖啡因,好煩囉! 明架,我地講重點:

每日唔好過一杯,

Size要中唔要大,

多奶好過無奶水,

無因低因無糖B最LIKE!

陀B適度調節下飲食,係可以Coffee ,Tea AND B並存架!


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


《豪華臀生聰明B》

Category : 懷孕中 , 懷孕前

做女個陣,我個豪華臀已經令我好困擾,著衫要揀長身款,買褲就得個PAT又就唔到長度,直至我結婚前上男友屋企見未來奶奶,佢一見我就望實我個〈躉〉,笑到見牙唔見眼,猛讚我話躉大好生養,雖則我奶奶個人好直接,但老人家講野真係有道理架,尤其是道理企係我個邊,畀佢咁講一講,當堂乜鬼自信都返晒嚟。

咁作為一個時代女性,都唔會只係聽唔fact check既,上網睇下資料又問下我個家庭醫生,簡單嚟講,以前無家下咁多選擇,可以自己揀順產或開刀,咁躉大相對骨架及盆骨都會大D闊D,骨架大代表有多D力氣推個BB出嚟,而個盆骨闊,個B相對會容易出到嚟,所以躉大好生養,確係有科學理據架!

躉大除左好生養之外,Fact Check完仲另有意外發現,就是躉大原來有助生個聰明B架! 根據美國University of Pittsburgh早前進行既研究,發現女性既PAT PAT係可以儲存好多「頑固」脂肪,而呢D脂肪入面,就含有BB神經系統發展所需要既DHA,同埋幫助胎兒大腦發育既 Omega-3 不飽和肪酸,唔怪之得近年成日睇到D研究報導講,仔女既智商高低係關阿媽事,原來關鍵就係在於個躉夠唔夠大。

之不過最後都要提下大家,就算個躉夠大,但體重超標既話,自己唔夠健康,都會影響陀B時既狀況,所以最好就係KEEP好自己身體,仲有個題外話,就係結婚前一定要睇下未來奶奶個躉,皆因直接影響你嫁既係神/豬隊友,我當年就係睇漏左呢一點囉!

豪華臀/龍躉—— 啤梨型


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:我適合古法紮肚嗎?


《孕婦按摩要認證?咁點揀先係好?》

Category : 懷孕中 , 懷孕前

相信大家多多少少都有按摩經驗,不過孕婦按摩同埋一般按摩到底係咪同一樣嘢呢?

簡單咁講其實係兩樣嘢㗎!因為無論按摩手法、力度都好唔同,而且孕婦有穴位禁忌,按摩時係應該避免觸碰。

所以幫孕婦按摩係一門獨特嘅專業按摩技術,唔係人人都可以幫人做,就算識做又唔一定做得好!

係現時咁多選擇情況下,到底我哋點先知道邊一間公司嘅技術水平好啲呢?

我哋又可以根據啲乜去評估一間公司好唔好呢?

要做一個最好嘅決定,您可以從呢5點去評估一吓:

 

1. 信譽度 – 公司在相關行業的資歷,擁有豐富行業經驗者較佳

 

2. 專注度 – 公司是持續、集中地發展有關項目,通過反覆實踐較能夠掌握技術

 

3. 認可度 – 公司有獲得專業資格認可,而且相關認證是達致國際級水平較佳

 

4. 培訓管理 – 透過正規的培訓及嚴謹的考核以獲取其專業資格較能提供安全可靠的服務

 

5. 地點分佈 – 分店選擇越多越方便,可免卻舟車勞頓之苦

 

BeautyMama 一直專注拓展同推廣孕婦按摩服務,早喺2011年我哋已經擁有世界知名嘅英國權威品牌 Elemis 認證我哋專業孕婦按摩技術能夠達致佢哋嘅要求同水平。

透過實證為本嘅正規培訓,確保按摩師水平同服務都能夠迎合孕婦需求。

除此之外,我哋亦多次接受傳媒訪問,去年更榮獲2大獎項「Baby-Kingdom 父母最愛孕婦按摩專門店獎」同「孕媽媽雜誌至尊媽寶品牌優秀獎」


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/