fbpx

懷孕中

懷孕期間究竟適唔適合做運動,相信係唔少孕婦特別係懷第一胎嘅媽媽嘅疑問。其實不少研究及醫生都建議當孕期穩定後,適當的運動其實能幫助你生產過程更輕鬆順利。今次就等我哋介紹幾組準爸媽可以一齊做嘅肌肉同呼吸練習,做運動之餘仲可以增進兩夫妻感情!懷孕初期:橋式孕婦首先平訓係瑜伽墊或床上,屈曲雙腿至屁股位置,雙腿自然分開成盤骨闊度,以腹及臀嘅肌肉做一個橋式動作,吸氣保持7拍,呼氣時肚就落8拍,重複4次。準爸爸可以係旁邊幫手托起孕婦下背,注意雙膝平衡,沒有向內夾,而且頭、肩需放鬆,不要強行用力。懷孕中期:腹式呼吸夫婦兩人首先要背對背,屈膝跪坐係瑜珈磚或具承托力嘅咕或枕頭上,腰骨請盡量挺直。一邊手放喺肚上,另一邊手放喺胸前。吸氣時應該感受到胸口無郁動,只有腹部脹起。呢個練習能夠減少宮縮而產生的腹部壓力,兩公婆不妨一齊練習同時感受一下對方呼吸嘅節奏。懷孕後期:骨盆底肌呼吸首先用兩個瑜珈咕或具承托力嘅咕或枕頭,傾向牆身打斜擺放。準爸爸先訓上咕,張開雙腿讓孕婦躺在你身上。孕婦開始練習會陰,吸氣想像忍尿的感覺,然後呼氣放鬆。準爸爸呢個時候可以將雙手放喺媽媽肚皮上,感受一下胎動。如果想試下 BeautyMama 嘅孕婦按摩療程,可以click入嚟先了解下我地6項皇牌療程https://www.beautymama.com.hk/孕婦按摩療程相關文章 :懷孕動起來 返回文章 下一篇 ...

成日都話,女人陀仔個十個月,係國寶級受保護動物,行呀企呀坐呀訓呀咁,做乜都被當係危險動作! 唉,又不是八十年代,今時今日呢套唔興亦唔WORK架喇,唔少產科醫生都開晒口,陀仔係要有適量運動,尤其係想順產既準媽媽,身體無異常既話,更加要動起來,對母子都有益架!大肚時既運動量,大約係每個星期至少三次,每次運動半粒鐘左右。如果你平日無做開運動,開始個陣唔好太勉強,可以由10至15分鐘開始,覺得體力應付到,先至再Level UP,逐步加到20、30分鐘。至於運動種類同埋強度,就要因應唔同既懷孕周數嚟調整!懷孕初期(14周前)是寶寶發育最重要的階段,係呢個階段,JM可以做D簡單、低強度既帶氧運動;好似散步咁,步速唔駛太快,每次行太約30至60分鐘,坐車早一個站落車,慢慢行返屋企,唔駛專登再抽時間外出,而日常既家務,如抺枱、掃地、洗衫、買餸、煮飯都可以當運動咁做架。懷孕中期(14-27周),個B陀穩定左,運動選擇都可以多D,除了上段講既之外,游泳係最好既選擇之一,要揀衛生條件好、人少既游泳池,最好帶泳鏡,小心防止被人踢到BB。孕期游泳可以增強心肺功能,而且水既浮力大,可以減輕關既負荷,消除淤血、浮腫和靜脈曲張等問題。另外快行、上樓梯呢類帶氧運動,都可以每天定時做。懷孕後期(28周後),孕婦個肚會快速脹大,太快、太複雜既運動就唔多適合,最好就係做D簡單既瑜珈健身操,以伸展、放鬆肌肉為主,亦可以利用健身球,鍛煉骨盆腔肌肉,加強骨盆底肌肉既韌力,對順產生B好有幫助。陀B做運動,最重要既要訣,係唔好做擠壓、劇烈震動腹部既運動,同埋要揀寬鬆透氣,但有腰腹承托功能既衫褲,有唔舒服就要停,唔好夾硬嚟,盡力而為就得架!有咗就最好就做下運動啦,真係搞唔掂都可以介紹吓你做一樣叫做被動運動嘅嘢,就嚟我哋度做孕婦按摩喇,咁都入到幾勁,Click 入條link 睇吓https://www.beautymama.com.hk/最新優惠 返回文章 下一篇 ...

辛辛苦苦懷胎十月,終於缷貨升呢做父母,十個有十一個都會變身緊張大師,親朋戚友嚟探B時,洗手洗手再洗手係基本動作,唔覺意講野大聲左,都會被暗中藐爆,最誇張係有個新手媽媽,要求大家影阿B相前,要問準佢,因為佢要睇下阿B係咪訓緊覺,佢話訓著影相,會攝走左阿B個魂魄架。講完笑,今勻同大家分享下,阿B出世頭一年,有乜特別習俗先;出生第24日(有廿四孝之意)剃胎毛, 傳統話咁做可以除穢氣,BB會聰明、靚、有錢,仲話可以有助BB頭髮生得多D靚D,有長輩直頭會剃埋眉毛及眼睫毛。剃完既毛髮,唔少人會用嚟做胎毛筆,取其日後讀書叻既意頭。滿月酒,俗稱的報喜,即係阿B出世滿一個月,帶佢出嚟見親朋,接受大家既祝福,家下唔少人都因為怕阿B太細,而改為百日宴,即係延後到三個月大之時,先至介紹佢比大家識。「收涎」的意思為「收起BB既口水」,一般係阿B四個月大時做,希望可以減少阿B因為出長牙而流口水的習慣,平安長大。家人會用12個或24個酥餅,用紅線穿起,掛在BB心口,由媽媽抱著,由親友將酥餅折半,在嬰兒嘴唇邊塗抹,邊講吉利既說話。抓周又稱試周、試兒、拿周,是古時一種BB一歲個陣,預測下BB以後做邊行的習俗。係BB一歲時,父母會準備一堆物品,好似筆、小提琴、紙、信用卡、算盤、錢幣、書籍,刀、聽筒,獎牌等,都係好意頭既野,放係阿B面前,揀中邊樣以後就做個行!習俗既野,各有意頭,但又唔一定要跟到足,好似剃胎毛咁,有兒科醫生指出,會有損壞幼兒毛囊既風險,就算唔剃都唔會有大分別,事關毛髮多少,遺傳先係最大關鍵所在。揀D無傷大雅,唔會影響到個B,又令你心安理得既,咪得囉!如果產後嘅你都覺得自己開始腎上腺素急升,可以考慮下嚟我哋度做按摩放鬆一下心情,睇睇我哋最新優惠可能都有幫助  https://www.beautymama.com.hk/最新優惠/相關文章:懷孕多忌諱 一 (產前及出院)你有機會會患上產後焦慮症嗎?老婆大肚!點做個100分爸爸 全方位孕婦情緒支援新手爸爸101: 認清孕婦心理變化同可能產生焦慮嘅原因 返回文章 下一篇 ...

唔知大家有無發覺,好多JM未陀仔前,都係百無禁忌既,點知一有左,就開始神婆上身,呢樣又唔得,個樣又唔可以,總之任何有可能、或者,甚至係唔知會唔會有事既野,都一律避開,有理無理都唔做……以下幾個陀B最常既忌諱,睇下你地中幾個先。頭三個月唔講得,BB會小氣唔可以搬屋搬傢俬,會動胎氣,驚嚇到BB唔可以用剪刀、裝修、鬆油,怕BB會有缺憾,皮膚會一達達唔可以抱人地個BB,怕自己肚入面個B呷醋唔可以去飲,怕喜沖喜會影響BB唔可以行房,怕傷到個B唔好洗牙、化粧、美甲及染髮,怕感染病菌及吸入化學劑其實以上種種,大部份都已經被證實係無科學根據,跟唔跟都係個人意願,但陀B時大家可以去到幾盡,都只係前奏曲,真正既考驗係嚟自生完個刻開始,今日先同大家分享下,係醫院接阿B返屋企,要收埋既野先。樟腦丸,即係臭丸,並唔係只有蠶豆症先至唔聞得,新生BB肝臟的排毒解毒能力未發展完好,而樟腦丸陣味,有可能導致BB出現急性溶血問題,還會影響BB既智力發育。手機平板呢D電子產品都是有輻射既,新生BB對輻射的抵抗力是比較差的,身體拍輻射的能力也是很差的。為了阿B既健康著想,最好湊佢時就擺埋一邊,否則佢會小氣架。有化學成份既蚊怕水、蚊香,BB半歲前,盡量避免用,真係要用,都要揀D嬰幼兒專用既,或者索性用蚊帳。煙酒,屋企如果有食煙飲酒既話,係BB返屋企前,僅記要清洗屋入面吸味既布料窗簾,返家後都唔好係屋入面食,要照顧及抱BB既,最好直接戒左佢,BB既呼吸系統仲好弱,二手煙對BB既影響好深遠架。如果孕媽媽你都覺得自己開始腎上腺素急升,可以考慮下嚟我哋度做按摩放鬆一下心情,睇睇我哋最新優惠可能都有幫助 https://www.beautymama.com.hk/最新優惠相關文章:你有機會會患上產後焦慮症嗎?老婆大肚!點做個100分爸爸 全方位孕婦情緒支援新手爸爸101: 認清孕婦心理變化同可能產生焦慮嘅原因 返回文章 下一篇 ...

夏天未到太陽先到,過去嘅五月,天文台最高曾錄得超過36度,係1884年開台以內最熱嘅五月!無論你喜歡雪白嘅肌膚定一身健康膚色,搽防曬都一定唔少得,但大肚媽媽好冇搽防曬呢?孕婦嘅防曬有冇咩要特別注意?首先我哋要了解防曬嘅兩大種類分為物理性防曬同化學性防曬,兩者嘅分別可以理解為,前者係於皮膚表面加添一件防曬衣;而後者就係深入皮膚去設立防曬屏障。兩種方法各有利弊,視乎個人日常生活習慣同喜好。物理性防曬通常含有天然礦物防曬粒子,利用鏡面原理反射折射紫外線,所以塗上產品就會立即得到保護,不需等待皮膚吸收。而且防曬成分不會滲透肌膚,刺激性較低,特別適合孕婦使用。但弊處就係容易隨著流汗或磨擦消失,減低保護力,大汗嘅孕婦就要記緊不時補搽防曬喇!化學性防曬嘅成分能夠將紫外線轉化成熱能釋放,好處係較防磨防汗。但由於需要滲入皮膚才能起,所以一般要搽完後10-15分鐘先開始有效。孕婦嘅生理和心理均隨著懷孕而起變化,變得容易敏感,而由於化學防曬成分滲入皮膚有可能引致過敏或刺激,所以建議孕婦最好不要選用。懷孕媽媽要keep住容光煥發,今個夏天就記得要搽防曬,因應個人需要選用適當嘅產品,亦要不時記得補搽防曬,例如可以用防曬粉代替液體狀防曬去補搽,咁就萬無一失啦!揀啱防曬就可以多啲出街,想嘆個孕婦按摩,可以試吓登記以下連結https://www.beautymama.com.hk/最新優惠 返回文章 下一篇 ...

大家都知道孕婦要保持心境開朗,因為心情不佳會影響BB成長,但箇中原理是如何呢?而媽媽心情又會影響BB那方面的發展呢?聽得最多是會影響BB的生長速度,俗稱「唔長胎」,BB出世時會較輕磅。通常長輩都認為,輕磅的BB會較難湊:第一,BB體重輕,抱起來好像很容易整到;第二,BB食奶時吸啜力比較細,又會怕BB食唔飽。從科學角度睇,當孕婦心情不佳或有孕期抑鬱時,除了會影響BB體格成長,還會嚴重影響到BB日後的情緒智商及管理能力。根據一項追蹤研究,比較一群4歲小朋友的情緒智商發展,部分小朋友的媽媽曾在孕期時有抑鬱,另一部分的小朋友的媽媽則沒有孕期抑鬱。結果發現,如媽媽有孕期抑鬱,即使產後完全痊癒,當小朋友4歲時,他們會較易因情緒失調而有衝動性行為(dysregulated aggression),而且亦於情感調節(affect regulation)方面表現亦較遜色。雖然情感發展只是成長中的一部分,但當小朋友無法控制情緒或恰當地表達自己心情,這不只影響情緒智商,還有親子關係、朋輩關係、認知發展、自信心及自我概念等,這些都是環環相扣的。所以身為孕媽媽,一定要盡量時刻保持放鬆的心情,多進行以下活動是有幫助的:小品閱讀畫畫(可隨意亂畫)接觸大自然看海呼吸練習冥想肌肉放鬆 練習或按摩 唱歌 浸浴(水溫要適中及不宜太久) 運動 – 游泳何善韻博士(孕期心理學專家) 想放鬆心情,可以試下BeautyMama 孕婦按摩,Click以下連結 https://www.beautymama.com.hk/最新優惠相關文章:成為媽媽後 真的會變蟲及健忘?孕期夫妻關係 如何影響產後親子關係孕媽媽心情如何輔助小朋友的情緒發展?親子關係 一切從懷孕開始你有機會會患上產後焦慮症嗎?老婆大肚!點做個100分爸爸 全方位孕婦情緒支援新手爸爸101:認清孕婦心理變化同可能產生焦慮嘅原因  返回文章 下一篇 ...

如你看到題目便心想“不需要孕期心理學家也知道夫妻關係要好,才能建立良好的親子關係”,那你一定要看這篇文章,因為你只答對了一半!根據2017年3月刊登的嬰兒精神健康研究,發現原來夫妻關係只會影響到準爸爸們與BB嘅親子關係,媽媽就不受影響。如準爸爸感覺到太太沒有讓他們參與生產,產後及育兒準備,通常會令夫妻間變得疏離,準爸爸更有可能寧願工作,不願回家令夫妻關係變得更差。而因為母親的天性,需要保護BB,夫婦關係不太會影響媽媽與BB建立親子關係。反而孕媽媽會因個人因素及自身安全感影響到親密依附(親子關係)的素質。如媽媽在孕期內感到抑鬱(上篇已提及 過)或時常有以下想法:害怕丈夫嫌棄或拋棄自己懷疑自己不是丈夫最愛覺得丈夫沒有從前愛自己覺得丈夫對自己及BB不夠好猜度丈夫是否一個好爸爸這些想法都會牽動到媽媽的情緒,繼而不自覺地太留意丈夫的言行,甚至產生懷疑繼而又影響媽媽情緒,惡性循環,這不只影響到孕期的親密依附(親子關係),亦令夫妻及親子關係變差。如在孕期中的你出現以上情況,先必冷靜了解自己是否屬於缺乏安全感的一群(其實是不少的,但可調較),若然是,你要學習調整心態,作為媽媽你要為BB學習踏出第一步,學習相信枕邊人,不要懷疑及猜度。照顧好自己心情,減低產生抑鬱情緒,定期做有規律的舒緩身心活動。如情況未有改善,請盡快找專業人士作產前輔導。媽媽快樂,所以孩子快樂,看得懂的你會知道,有安全感的BB來自有安全感(尤其是對丈夫)的媽媽。何善韻博士(孕期心理學專家) 想放鬆心情,可以試下BeautyMama 孕婦按摩,Click以下連結 https://www.beautymama.com.hk/最新優惠相關文章:孕媽媽心情如何輔助小朋友的情緒發展?親子關係 一切從懷孕開始你有機會會患上產後焦慮症嗎?老婆大肚!點做個100分爸爸 全方位孕婦情緒支援新手爸爸101:認清孕婦心理變化同可能產生焦慮嘅原因  返回文章 下一篇 ...

原來胎兒活動時間與BB出世後嘅作息時間有密切關係。當掌握了BB的活動情況及作息時間,便有助透過觀察BB活動量,從而理解他/她們的情緒發展。懷孕中嘅你,有無發現肚入面嘅BB時常係同一個時間特別活躍?根據以往個案,我做了個非正式統計,叫媽媽回憶下懷胎嘅情況,發現初生BB頭一至兩個月的作息時間與胎兒時的活躍時間非常吻合。如胎兒在下午四、五點較為活躍,似乎初生時亦會在下午四、五點特別精靈和媽媽互動。有些媽媽更留意到如自己進行劇烈活動、進食、或情緒波動後,BB嘅活動量亦會隨即增加,而且會變得劇烈及頻密。其實BB在媽媽體內主要是透過聲音及非常微弱的光線認識與感受媽媽的生活節奏模式。除了聲音光線,BB亦會聽到媽媽嘅心跳、呼吸、血液流動及說話時的聲音。所以當媽媽情緒波動、說話聲音提高及心跳呼 吸加速等,BB都能直接感受。所以懷孕中的你,不妨留意下自己的情緒波動會否影響胎兒活動情況。應盡量維持心情平伏,避免因懷孕期間的各種因素令自己感到壓力而影響心情,繼而影響BB情緒穩定。建議媽媽多些參與減壓活動,如游泳、瑜珈、散步、聽舒緩音樂、閱讀、按摩及產前心理輔導等。參加一些有質素的產前講座,亦有助預先了解生產及照顧初生BB的要點,能提升孕期孕育胎兒的質素及照顧初生BB的信心,最重要是有助BB在產前產後的正向發展。何善韻博士(孕期心理學專家) 想放鬆心情,可以試下BeautyMama 孕婦按摩,Click以下連結 https://www.beautymama.com.hk/最新優惠相關文章:親子關係 一切從懷孕開始你有機會會患上產後焦慮症嗎?老婆大肚!點做個100分爸爸 全方位孕婦情緒支援新手爸爸101:認清孕婦心理變化同可能產生焦慮嘅原因  返回文章 下一篇 ...

懷孕除咗要照顧準媽媽生理上嘅各種變化與不適,仲要關心佢地心理上嘅需要。 BeautyMama 特別請來懷孕心理學專家 一 何善韻博士,分享關於孕婦及親子關係嘅資訊。原來係孕期心理學當中,每一位媽媽對未出世BB嘅感受,都會影響將來嘅親子關係。而呢一種咁特別嘅親子關係,我地會稱之為產前依附關係 (Prenatal Attachment)。產前依附關係包括媽媽係情感上同BB嘅聯繫,包括同BB親密程度,媽媽對BB嘅睇法係正面或負面。如媽媽能夠每日嘗試多諗下BB,摸下肚仔都可以從而增進親子關係。不過準媽媽又不需過份想像擔心將來,因為這樣會做成壓力,反而會有反效果。信任自己作為媽媽嘅天性,順應自然,多點同BB互動溝通,不止可增進親子關係,更能借助親密嘅親子關係消除疑慮,令身心健康舒暢!何善韻博士(懷孕心理學專家)想放鬆心情,可以試下BeautyMama 孕婦按摩,Click以下連結 https://www.beautymama.com.hk/最新優惠相關文章:你有機會會患上產後焦慮症嗎?老婆大肚!點做個100分爸爸 全方位孕婦情緒支援新手爸爸101:認清孕婦心理變化同可能產生焦慮嘅原因  返回文章 下一篇 ...

有人話大肚婆嘅情緒就好似坐過山車咁,呢一秒心情好就大笑,下一秒隨時就變得抑鬱。作為孕婦身邊嘅最大後盾,爸爸亦因此承受唔少壓力。無視太太嘅情緒或者默默咁接受所有要求,都只會令兩公婆壓力爆煲,更有可能影響胎兒造成早產或流產。所以我地要認識呢啲情緒波動嘅來源,了解孕婦心理嘅變化。生理影響懷孕後內分泌系統嘅變化會直接影響孕婦脾氣。女性荷爾蒙如黃體素增加,有機會令太太感到脹氣或有便秘,水腫嘅問題;人類絨毛膜促性腺激素嘅上升就會導致噁心、嘔吐;泌乳激素嘅分泌有機會令乳房脹痛。以上只係部分嘅生理變化,可想而知太太懷孕期間生理變化對心理嘅影響有幾大。財政壓力隨著新生命嘅來臨就係大大小小嘅開支。從醫療費用,媽咪嘅保健產品,BB用品,到將來教育等等嘅開支,霎時間可能造成龐大心理憂慮。兩夫婦若果盡早計劃財政,按個人能力安排開支,就可以減少對未來嘅憂慮 。自身變化媽咪如果一時未能適應身體上嘅變化如體型,妊娠紋;或者心理變化如家庭同社會角色嘅轉變,這些轉變都會形成心理憂慮。胎兒有關胎兒嘅一切包括生產過程,BB健康,發育是否達標等絕對係最容易令媽咪,特別係首次大肚嘅媽媽擔心。最重要係有足夠嘅資訊,認清每個懷孕階段嘅變化,如有疑問就向專業人士尋求意見。想放鬆心情,可以試下BeautyMama 孕婦按摩,Click以下連結 https://www.beautymama.com.hk/最新優惠/相關文章:你有機會會患上你有機會會患上產後焦慮症嗎?老婆大肚!點做個100分爸爸 全方位孕婦情緒支援 返回文章 下一篇 ...