fbpx

《孕期抑鬱要知多啲》 何博士心理系列 (第 5 篇)

Category : 懷孕中

大家都知道孕婦要保持心境開朗,因為心情不佳會影響BB成長,但箇中原理是如何呢?而媽媽心情又會影響BB那方面的發展呢?

聽得最多是會影響BB的生長速度,俗稱「唔長胎」,BB出世時會較輕磅。通常長輩都認為,輕磅的BB會較難湊:第一,BB體重輕,抱起來好像很容易整到;第二,BB食奶時吸啜力比較細,又會怕BB食唔飽。

從科學角度睇,當孕婦心情不佳或有孕期抑鬱時,除了會影響BB體格成長,還會嚴重影響到BB日後的情緒智商及管理能力。

根據一項追蹤研究,比較一群4歲小朋友的情緒智商發展,部分小朋友的媽媽曾在孕期時有抑鬱,另一部分的小朋友的媽媽則沒有孕期抑鬱。結果發現,如媽媽有孕期抑鬱,即使產後完全痊癒,當小朋友4歲時,他們會較易因情緒失調而有衝動性行為(dysregulated aggression),而且亦於情感調節(affect regulation)方面表現亦較遜色。

雖然情感發展只是成長中的一部分,但當小朋友無法控制情緒或恰當地表達自己心情,這不只影響情緒智商,還有親子關係、朋輩關係、認知發展、自信心及自我概念等,這些都是環環相扣的。

所以身為孕媽媽,一定要盡量時刻保持放鬆的心情,多進行以下活動是有幫助的:

1 小品閱讀

2 畫畫(可隨意亂畫)

3 接觸大自然

4 看海

5 呼吸練習

6 冥想

7 肌肉放鬆 練習或按摩 

8 唱歌 

9 浸浴(水溫要適中及不宜太久) 

10 運動 – 游泳

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 成為媽媽後 真的會變蟲及健忘?

  2. 孕期夫妻關係 如何影響產後親子關係

  3. 孕媽媽心情如何輔助小朋友的情緒發展?

  4. 親子關係 一切從懷孕開始

  5. 你有機會會患上產後焦慮症嗎?

  6. 老婆大肚!點做個100分爸爸 全方位孕婦情緒支援

  7. 新手爸爸101:認清孕婦心理變化同可能產生焦慮嘅原因


《孕期夫妻關係 如何影響產後親子關係》 何博士心理系列 (第 3 篇)

Category : 懷孕中 , 懷孕前

如你看到題目便心想“不需要孕期心理學家也知道夫妻關係要好,才能建立良好的親子關係”,那你一定要看這篇文章,因為你只答對了一半!

根據2017年3月刊登的嬰兒精神健康研究,發現原來夫妻關係只會影響到準爸爸們與BB嘅親子關係,媽媽就不受影響。

如準爸爸感覺到太太沒有讓他們參與生產,產後及育兒準備,通常會令夫妻間變得疏離,準爸爸更有可能寧願工作,不願回家令夫妻關係變得更差。

而因為母親的天性,需要保護BB,夫婦關係不太會影響媽媽與BB建立親子關係。反而孕媽媽會因個人因素及自身安全感影響到親密依附(親子關係)的素質。如媽媽在孕期內感到抑鬱(上篇已提及 過)或時常有以下想法:

  • 害怕丈夫嫌棄或拋棄自己

  • 懷疑自己不是丈夫最愛

  • 覺得丈夫沒有從前愛自己

  • 覺得丈夫對自己及BB不夠好

  • 猜度丈夫是否一個好爸爸

這些想法都會牽動到媽媽的情緒,繼而不自覺地太留意丈夫的言行,甚至產生懷疑繼而又影響媽媽情緒,惡性循環,這不只影響到孕期的親密依附(親子關係),亦令夫妻及親子關係變差。

如在孕期中的你出現以上情況,先必冷靜了解自己是否屬於缺乏安全感的一群(其實是不少的,但可調較),若然是,你要學習調整心態,作為媽媽你要為BB學習踏出第一步,學習相信枕邊人,不要懷疑及猜度。

照顧好自己心情,減低產生抑鬱情緒,定期做有規律的舒緩身心活動。如情況未有改善,請盡快找專業人士作產前輔導。

媽媽快樂,所以孩子快樂,看得懂的你會知道,有安全感的BB來自有安全感(尤其是對丈夫)的媽媽。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕媽媽心情如何輔助小朋友的情緒發展?

  2. 親子關係 一切從懷孕開始

  3. 你有機會會患上產後焦慮症嗎?

  4. 老婆大肚!點做個100分爸爸 全方位孕婦情緒支援

  5. 新手爸爸101:認清孕婦心理變化同可能產生焦慮嘅原因


《新政策積極消除懷孕歧視》

Category : 懷孕中 , 懷孕前

我留意到公司多咗大肚婆!記得有次同外國同事講起香港產假「前4後6」, 總共都係得十個禮拜,佢哋真係聽到眼都凸埋。 雖然對比外國長達6-10個月嘅產假,本港法定產假都仲有一段距離。不過好消息係由上年12月11日開始,法定產假已經由10個禮拜延長至14個禮拜。

政府亦隨即推出「發還產假薪酬計劃」,幫助僱主承擔延長後第11至14個禮拜嘅額外薪金。 只要透過「發還易」網站,就可以申請以每名僱員80,000元為上限嘅補償。

對於「手停口停」或者請長假有困難嘅打工仔嚟講真係個喜訊!即係全港在職懷孕媽媽🤰唔怕老闆嬲豬啦。

產假放得安心好多,減低歧視之餘,亦鼓勵生育。老闆申請咗補助又可以有多個選擇聘請散工。幾時都話香港大肚婆是幸福的💕

如果你係僱主,就留意要符合以下條件先合資格申請薪金發還:

  1. 申請所涵蓋嘅僱員須由申請人僱用,並符合《僱傭條例》訂明享有產假同產假薪酬嘅資格;

  2. 僱員已放產假及申請人已向僱員支付全數14個禮拜嘅產假薪酬;

  3. 僱員於2020年12月11日或之後分娩;

  4. 已支付予僱員的新增四個星期產假薪酬不曾及將不會獲其他政府撥款支付或補貼。

相關綱店 : https://www.rmlps.gov.hk

想慶祝吓新政策,可以嚟試做下我地嘅專業孕婦按摩療程

https://www.beautymama.com.hk/latest-offer/


《孕媽媽心情如何輔助小朋友的情緒發展?》 何博士心理系列 (第 2 篇)

Category : 懷孕中

原來胎兒活動時間與BB出世後嘅作息時間有密切關係。當掌握了BB的活動情況及作息時間,便有助透過觀察BB活動量,從而理解他/她們的情緒發展。

懷孕中嘅你,有無發現肚入面嘅BB時常係同一個時間特別活躍?根據以往個案,我做了個非正式統計,叫媽媽回憶下懷胎嘅情況,發現初生BB頭一至兩個月的作息時間與胎兒時的活躍時間非常吻合。如胎兒在下午四、五點較為活躍,似乎初生時亦會在下午四、五點特別精靈和媽媽互動。有些媽媽更留意到如自己進行劇烈活動、進食、或情緒波動後,BB嘅活動量亦會隨即增加,而且會變得劇烈及頻密。

其實BB在媽媽體內主要是透過聲音及非常微弱的光線認識與感受媽媽的生活節奏模式。除了聲音光線,BB亦會聽到媽媽嘅心跳、呼吸、血液流動及說話時的聲音。所以當媽媽情緒波動、說話聲音提高及心跳呼 吸加速等,BB都能直接感受。所以懷孕中的你,不妨留意下自己的情緒波動會否影響胎兒活動情況。應盡量維持心情平伏,避免因懷孕期間的各種因素令自己感到壓力而影響心情,繼而影響BB情緒穩定。

建議媽媽多些參與減壓活動,如游泳、瑜珈、散步、聽舒緩音樂、閱讀、按摩及產前心理輔導等。參加一些有質素的產前講座,亦有助預先了解生產及照顧初生BB的要點,能提升孕期孕育胎兒的質素及照顧初生BB的信心,最重要是有助BB在產前產後的正向發展。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 親子關係 一切從懷孕開始

  2. 你有機會會患上產後焦慮症嗎?

  3. 老婆大肚!點做個100分爸爸 全方位孕婦情緒支援

  4. 新手爸爸101:認清孕婦心理變化同可能產生焦慮嘅原因


《親子關係 一切從懷孕開始》 何博士心理系列 (第 1 篇)

Category : 懷孕中

懷孕除咗要照顧準媽媽生理上嘅各種變化與不適,仲要關心佢地心理上嘅需要。 BeautyMama 特別請來懷孕心理學專家 一 何善韻博士,分享關於孕婦及親子關係嘅資訊。

原來係孕期心理學當中,每一位媽媽對未出世BB嘅感受,都會影響將來嘅親子關係。而呢一種咁特別嘅親子關係,我地會稱之為產前依附關係 (Prenatal Attachment)。

產前依附關係包括媽媽係情感上同BB嘅聯繫,包括同BB親密程度,媽媽對BB嘅睇法係正面或負面。如媽媽能夠每日嘗試多諗下BB,摸下肚仔都可以從而增進親子關係。

不過準媽媽又不需過份想像擔心將來,因為這樣會做成壓力,反而會有反效果。

信任自己作為媽媽嘅天性,順應自然,多點同BB互動溝通,不止可增進親子關係,更能借助親密嘅親子關係消除疑慮,令身心健康舒暢!

何善韻博士(懷孕心理學專家)


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 你有機會會患上產後焦慮症嗎?

  2. 老婆大肚!點做個100分爸爸 全方位孕婦情緒支援

  3. 新手爸爸101:認清孕婦心理變化同可能產生焦慮嘅原因


《新手爸爸101:認清孕婦心理變化同可能產生焦慮嘅原因》

Category : 懷孕中

有人話大肚婆嘅情緒就好似坐過山車咁,呢一秒心情好就大笑,下一秒隨時就變得抑鬱。作為孕婦身邊嘅最大後盾,爸爸亦因此承受唔少壓力。無視太太嘅情緒或者默默咁接受所有要求,都只會令兩公婆壓力爆煲,更有可能影響胎兒造成早產或流產。所以我地要認識呢啲情緒波動嘅來源,了解孕婦心理嘅變化。

生理影響

懷孕後內分泌系統嘅變化會直接影響孕婦脾氣。女性荷爾蒙如黃體素增加,有機會令太太感到脹氣或有便秘,水腫嘅問題;人類絨毛膜促性腺激素嘅上升就會導致噁心、嘔吐;泌乳激素嘅分泌有機會令乳房脹痛。以上只係部分嘅生理變化,可想而知太太懷孕期間生理變化對心理嘅影響有幾大。

財政壓力

隨著新生命嘅來臨就係大大小小嘅開支。從醫療費用,媽咪嘅保健產品,BB用品,到將來教育等等嘅開支,霎時間可能造成龐大心理憂慮。兩夫婦若果盡早計劃財政,按個人能力安排開支,就可以減少對未來嘅憂慮 。

自身變化

媽咪如果一時未能適應身體上嘅變化如體型,妊娠紋;或者心理變化如家庭同社會角色嘅轉變,這些轉變都會形成心理憂慮。

胎兒

有關胎兒嘅一切包括生產過程,BB健康,發育是否達標等絕對係最容易令媽咪,特別係首次大肚嘅媽媽擔心。最重要係有足夠嘅資訊,認清每個懷孕階段嘅變化,如有疑問就向專業人士尋求意見。


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 你有機會會患上產後焦慮症嗎

  2. 老婆大肚!點做個100分爸爸 全方位孕婦情緒支援


《老婆大肚!點做個100分爸爸 全方位孕婦情緒支援》

Category : 懷孕中

相信各位爸爸點都唔會忘記得知太太懷孕時,果份既興奮又期待嘅心情。不過緊隨而嚟嘅準備,產檢,財務計劃,相信令兩夫妻都增添唔少壓力。太太更可能受荷爾蒙影響,令身心不適,情緒變得波動。呢個時候爸爸應該點支持太太呢?

面對咁大嘅家庭同角色轉變,唔少媽咪都對未來有一定憂慮,爸爸最大嘅支持就係盡量令媽咪感受到,準備新生命嘅來臨係兩夫婦共同分擔嘅責任!行動上,一齊透過網上資料,書籍或講座等,學習有關懷孕、分娩同照顧BB嘅資訊。對未來有咗實際嘅了解同期望,焦慮自然就會減少。兩夫妻一齊去產檢,都有助二人同步經歷BB嘅成長,明白媽咪每個階段有可能經歷嘅身心變化,一起分擔。

隨著BB逐漸成長,體重對母體嘅身體負荷亦隨之增加。爸爸可以透過分擔家務,買餸,安排日常瑣事等俾媽咪有多啲休息時間,心理上亦令佢感覺有人依靠同支持。

除咗實際行動,爸爸心靈上亦需要多表達對太太嘅支持,生活上多鼓勵佢同肯定佢嘅付出。主動關心太太,耐心聆聽佢懷孕後嘅情緒變化,擔憂同需要,為佢提供一個全天候嘅發洩渠道。

除咗夫婦二人互相支持,同朋友分享經歷都係一個減壓嘅好方法。爸爸可以多鼓勵媽咪外出同朋友見面,或者同其他父母取經,吸收懷孕同育嬰經驗。


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 我有咗呀!知道懷孕後你要準備的3件事

相關影片:

  1. 按摩前準備 (家居孕婦按摩小貼士)

  2. 頸部按摩 (家居孕婦按摩小貼士)

  3. 腰部按摩 (家居孕婦按摩小貼士)

  4. 小腿按摩 (家居孕婦按摩小貼士)


《產前最想做的…..》

Category : 懷孕中

當越近產期,唔少JM除左想快D卸貨之外,更多既係諗緊,點樣可以好好享受埋最後既自由身日子,尤其係陀第一胎既,皆因一生完B,少說十年八載都會被依附住,日日媽媽聲唔停,想單獨靜靜地,或是純粹既二人世界,都唔係話咁易既事。

呢排同唔少JM傾開,睇返佢地LIST OUT既產前最想做項目,先知原來大家既諗既都差不多,同大家分享下,睇下你又中幾多項先。

● 獨處;一個人去睇場戲,去Hightea,望海發呆,總之就係想做就做,想去邊就去邊既自由Mode!

● 植睫毛;唔少JM陀B時會影大肚寫真,卸貨後就幫阿B影,當中點都有幾張係母子頭對頭Close Up既,就係為左咁,近年JM都流行係生產前植睫先,令自己D相靚靚。

● 孕婦按摩;陀B有幾辛苦幾攰,睇怕都唔駛我多講,所以最多JM產前最想做既係揼骨,當然唔係求其按,而係幫襯專門店,JM話係可以按到產前最後一刻架。

● 剪頭髮;生完B坐月期間,產前剪短髮,快乾易打理,爭取多D時間休息。

● 撐枱腳/ Staycation;生完B有好一段日子,好難安排到二人世界,所以產前唔少JM都會去一轉旅行,家下無得出埠,Staycation或者撐下枱腳,好過無喇。

● Baby shower;約埋閨蜜開PARTY,迎接阿B係其次,同姊妹產前去蒲去WET玩下,先係重中之重。


真係想試吓安全有效嘅產前按摩,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕期Coffee Tea or B


《我有咗呀! 知道懷孕後你要準備的3件事》

Category : 懷孕中

有咗咁大件事,的確好overwhelming;尤其係努力咗好耐嘅夫婦。如果話果種喜悅好似中咗六合彩咁,相信絕對無誇張!爸爸媽媽冷靜落嚟之後,就要計劃下一步,你地有冇做齊以下3步呢?

  1. 到診所驗孕

如果你有計劃生育,而特別留意生理期,好可能係「遲咗嚟」之後已經略知一二。由於懷孕初期變數好多,一般建議早啲去診所,醫院確定結果;香港家計會亦有提供這類服務。懷孕週數如果有一至兩週,透過檢查,基本上可以睇到胚胎著床位置是否穩定等;touchwood如果有咩問題都可以及早發現同醫治!確定懷孕後會批出一張懷孕證明,book醫生,同公司請假等都要靠佢架喇,所以最好Copy多一兩份,大肚婆零舍大頭蝦嘛。

  1. 到母嬰健康院/醫院排期

帶齊身份證,住址證明,懷孕證明等去你住個區既母嬰健康院或醫院排期。每間醫院登記程序都唔同,去之前最好打去查詢。首次產前檢查項目一般包括產歷、個人及家族病歷,體格及婦科檢查,小便糖份及蛋白測試,驗血等。

  1. 飲食同心理調節

飲食同體重管理需由懷孕初期開始注意,咪諗住「食兩人份量」,過重嘅BB陀得辛苦之餘,生產時亦有夠高風險。情緒管理亦好緊要,多啲搵家人同朋友溝通同支持。如果你係比較神經質、容易緊張,就建議你多同醫生溝通或閱讀正確嘅資訊,減低因為懷孕帶嚟嘅心理憂慮。


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 老婆大肚!點做個100分爸爸   全方位孕婦情緒支援

  2. 懷孕營養懶人包 素食者都啱睇

  3. 大肚婆食幾多先夠

相關影片:

  1. 懷孕後要知道的10件事(上)

  2. 懷孕後要知道的10件事(下)


《食全餐》

Category : 懷孕中

其實喺古代,生仔並不是一件容易的事,處理唔到會死兩條人命,佢哋以順產為主,嬰兒必須經過孕婦嘅陰道,如果有性傳播疾病會影響嬰兒,有機會影響BB終身,所以女兒身必須係大家閨秀,先可以減低風險,所以話女兒身體要乾淨,揀錯3個一齊病。當然,冇菌都有機會一屍兩命,或者強行剖腹產子犧牲母親,哎呀,真係幾殘忍都有。所以母子平安你話幾重要呢。

2021年,最殘忍就係食全餐㗎啦,先嘗試順產20小時,痛足20小時,宣布失敗,然後打麻醉針開刀剖腹產子⋯⋯

我哋有位同事有試過順產,有試過開刀,有試過生孖胎,又試過生仔,又試過生女,重點係你估佢有幾多次嘅懷孕經驗呢?留言睇睇👀

好多時候香港人都係貪心嘅,一次生產經驗裏面可以即刻試到兩種唔同嘅方法,感受晒古代人到現代人喺生產上面所感受到嘅嘢,咁講就真係好抵。不過呢個便宜就吾好貪,避免痛楚,都係做定順產準備*

選擇順產,作為媽媽嘅你先要肯定自己係大家閨秀,比一個全天然嘅生產過程比自己嘅小朋友出生,係一件值得尊敬嘅事。

至於放棄,分娩屬於第七級痛,第八級痛已經係一級燒傷,所以盡咗力就OK啦。

如果就嚟生嘅媽媽睇到呢篇文,無論你嘅選擇係點,以今日嘅科技都一定可以確保你地母子平安。最多食全餐,放心!💪🏼


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/