fbpx

《懷孕多忌諱 二 (產後篇)》

Category : 懷孕中

辛辛苦苦懷胎十月,終於缷貨升呢做父母,十個有十一個都會變身緊張大師,親朋戚友嚟探B時,洗手洗手再洗手係基本動作,唔覺意講野大聲左,都會被暗中藐爆,最誇張係有個新手媽媽,要求大家影阿B相前,要問準佢,因為佢要睇下阿B係咪訓緊覺,佢話訓著影相,會攝走左阿B個魂魄架。

講完笑,今勻同大家分享下,阿B出世頭一年,有乜特別習俗先;

  • 出生第24日(有廿四孝之意)剃胎毛, 傳統話咁做可以除穢氣,BB會聰明、靚、有錢,仲話可以有助BB頭髮生得多D靚D,有長輩直頭會剃埋眉毛及眼睫毛。剃完既毛髮,唔少人會用嚟做胎毛筆,取其日後讀書叻既意頭。

  • 滿月酒,俗稱的報喜,即係阿B出世滿一個月,帶佢出嚟見親朋,接受大家既祝福,家下唔少人都因為怕阿B太細,而改為百日宴,即係延後到三個月大之時,先至介紹佢比大家識。

  • 「收涎」的意思為「收起BB既口水」,一般係阿B四個月大時做,希望可以減少阿B因為出長牙而流口水的習慣,平安長大。家人會用12個或24個酥餅,用紅線穿起,掛在BB心口,由媽媽抱著,由親友將酥餅折半,在嬰兒嘴唇邊塗抹,邊講吉利既說話。

  • 抓周又稱試周、試兒、拿周,是古時一種BB一歲個陣,預測下BB以後做邊行的習俗。係BB一歲時,父母會準備一堆物品,好似筆、小提琴、紙、信用卡、算盤、錢幣、書籍,刀、聽筒,獎牌等,都係好意頭既野,放係阿B面前,揀中邊樣以後就做個行!

  • 習俗既野,各有意頭,但又唔一定要跟到足,好似剃胎毛咁,有兒科醫生指出,會有損壞幼兒毛囊既風險,就算唔剃都唔會有大分別,事關毛髮多少,遺傳先係最大關鍵所在。揀D無傷大雅,唔會影響到個B,又令你心安理得既,咪得囉!

如果產後嘅你都覺得自己開始腎上腺素急升,可以考慮下嚟我哋度做按摩放鬆一下心情,睇睇我哋最新優惠可能都有幫助

https://www.beautymama.com.hk/latest-offer/


相關文章:

  1. 懷孕多忌諱 一 (產前及出院)

  2. 你有機會會患上產後焦慮症嗎?

  3. 老婆大肚!點做個100分爸爸 全方位孕婦情緒支援

  4. 新手爸爸101: 認清孕婦心理變化同可能產生焦慮嘅原因


《懷孕多忌諱 一 (產前及出院)》

Category : 懷孕中

唔知大家有無發覺,好多JM未陀仔前,都係百無禁忌既,點知一有左,就開始神婆上身,呢樣又唔得,個樣又唔可以,總之任何有可能、或者,甚至係唔知會唔會有事既野,都一律避開,有理無理都唔做…….

以下幾個陀B最常既忌諱,睇下你地中幾個先。

  • 頭三個月唔講得,BB會小氣

  • 唔可以搬屋搬傢俬,會動胎氣,驚嚇到BB

  • 唔可以用剪刀、裝修、鬆油,怕BB會有缺憾,皮膚會一達達

  • 唔可以抱人地個BB,怕自己肚入面個B呷醋

  • 唔可以去飲,怕喜沖喜會影響BB

  • 唔可以行房,怕傷到個B

  • 唔好洗牙、化粧、美甲及染髮,怕感染病菌及吸入化學劑

其實以上種種,大部份都已經被證實係無科學根據,跟唔跟都係個人意願,但陀B時大家可以去到幾盡,都只係前奏曲,真正既考驗係嚟自生完個刻開始,今日先同大家分享下,係醫院接阿B返屋企,要收埋既野先。

  • 樟腦丸,即係臭丸,並唔係只有蠶豆症先至唔聞得,新生BB肝臟的排毒解毒能力未發展完好,而樟腦丸陣味,有可能導致BB出現急性溶血問題,還會影響BB既智力發育。

  • 手機平板呢D電子產品都是有輻射既,新生BB對輻射的抵抗力是比較差的,身體拍輻射的能力也是很差的。為了阿B既健康著想,最好湊佢時就擺埋一邊,否則佢會小氣架。

  • 有化學成份既蚊怕水、蚊香,BB半歲前,盡量避免用,真係要用,都要揀D嬰幼兒專用既,或者索性用蚊帳。

  • 煙酒,屋企如果有食煙飲酒既話,係BB返屋企前,僅記要清洗屋入面吸味既布料窗簾,返家後都唔好係屋入面食,要照顧及抱BB既,最好直接戒左佢,BB既呼吸系統仲好弱,二手煙對BB既影響好深遠架。

如果孕媽媽你都覺得自己開始腎上腺素急升,可以考慮下嚟我哋度做按摩放鬆一下心情,睇睇我哋最新優惠可能都有幫助 

https://www.beautymama.com.hk/latest-offer/


相關文章:

  1. 你有機會會患上產後焦慮症嗎?

  2. 老婆大肚!點做個100分爸爸 全方位孕婦情緒支援

  3. 新手爸爸101: 認清孕婦心理變化同可能產生焦慮嘅原因


《小產後10大禁忌》

Category : 懷孕前

我哋普遍都意識到坐月嘅重要,有啲媽媽可能一得知懷孕就急不及待預約陪月,為嘅就係想好好調理身子,或者以後準備生下一胎。如果話產後坐月緊要,咁不幸留產之後嘅調理就更加唔可以忽視。無論係因為自然流產又或者人工流產,都同樣要注重調理,咁先好以提高下次再懷孕嘅機會。以下10個小產後嘅大忌你又知唔知?

  1. 缺乏休息

小產後要處理嘅情緒同事情都好多,所以特別要提醒媽媽要多臥床,唔好一直郁動。

  1. 無處理好情緒

小產可能隨之帶嚟大量負面情緒、壓力、失落,需要時要同屋企人或朋友傾訴。

  1. 做劇烈運動

頭2周唔好做劇烈運動或者搬重嘢,避免出血。

  1. 進食刺激性食物

容易引發炎症,令傷口難以癒合。

  1. 飲酒

酒精會令血管擴張,有機會令出血量變多,子宮內嘅傷口就更難復原。

  1. 服用生化湯、活血藥等

可能令出血量增加,影響癒合。

  1. 浸浴,浸溫泉或游水

為咗避免感染,建議以淋浴代替浸浴,亦要避免浸溫泉同游水。

  1. 忽略感染徵兆

注意小產後有冇不明原因嘅發燒、發冷等症狀,有好能係有細菌經陰道感染,需盡快求醫。

  1. 太快再有性行為

建議停止出血一至兩個禮拜後先進行,避免子宮內膜未穩定,造成感染或腹痛。

  1. 太快再嘗試生育

建議3至6個月後先再計劃受孕。

記住啦,小產好傷身㗎,如果你係想懷孕,有一日見到你登記我哋孕婦按摩🤰🏻就真係恭喜晒你啦,如果你之前有以上徵狀,記得同我哋講聲,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 想懷孕 你要知:認識子宮肌瘤

  2. 想懷孕 你要知: 多囊卵巢綜合症

  3. 驗孕棒 有幾準?

  4. 暖宮有法(附10種建議食物清單)

  5. 密密做,懷孕機率唔一定高 計準排卵期 準備懷孕get set go! 

  6. 精子和卵子質素影響成孕機率(上)

  7. 精子和卵子質素影響成孕機率(下)

  8. 高齡產婦攻略


《想懷孕 你要知:認識子宮肌瘤》

Category : 懷孕前

咩係子宮肌瘤?

子宮肌瘤又叫子宮肉瘤或子宮纖維瘤, 生長喺骨盆腔中,係婦產科中最常見嘅良性腫瘤。子宮肌瘤主要受雌激素刺激生長,較常見於臨近更年期嘅女士;女性雌激素分泌會受身型影響,所以癡肥會增加出現子宮肌瘤嘅風險。不過,子宮肌瘤同子宮癌無關,亦唔會增加將來患癌嘅機會。不過,肌瘤有機會影響

子宮肌瘤有咩徵狀?

由於子宮肌瘤嘅生長速度緩慢,大部分患者都未必察覺任何明顯症狀。部分患者會有月經量增加或骨盆腔出現疼痛嘅情況,例如經痛、性交時疼痛等。重症患者如果肌瘤大到壓到膀胱,就可能造成尿頻或小便困難;又若果肌瘤壓到腸道,就有可能便秘。

子宮肌瘤患者要點注意飲食?

子宮肌肉瘤受雌激素刺激生長,所以患者應該減少進食富雌激素嘅食物,例如雞翼、牛肉、蟹、芽菜等;避免生冷食物,因為氣血循環變差會令子宮受寒,就容易出現子宮肌瘤;避免進補食物同湯水,特別是熱補類食材,免得令肌瘤吸收額外營養而有機會增大。

為預防同減慢子宮肌瘤嘅生長,建議女性多食高纖、低糖、低脂肪食物,例如海藻、菌菇類、十字花科菜。營養攝取方面,就建議多食鯖魚、秋刀魚、核桃、紫蘇籽油、亞麻仁油等補充Omega-3;或透過補充品吸收白藜葡萄,維他命B、D、E。

如果你係想懷孕,有一日見到你登記我哋孕婦按摩🤰🏻就真係恭喜晒你啦,如果你之前有以上徵狀,記得同我哋講聲,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 想懷孕 你要知: 多囊卵巢綜合症

  2. 驗孕棒 有幾準?

  3. 暖宮有法(附10種建議食物清單)

  4. 密密做,懷孕機率唔一定高 計準排卵期 準備懷孕get set go! 

  5. 精子和卵子質素影響成孕機率(上)

  6. 精子和卵子質素影響成孕機率(下)

  7. 高齡產婦攻略


《想懷孕 你要知:多囊卵巢綜合症》

Category : 懷孕前

咩係多囊卵巢綜合症?

多囊卵巢綜合症係一種內分泌疾病,同雄激素水平有關,最常見於20至40歲正值生育期嘅女性,而且會影響懷孕。一般女性喺月經初期大約有10個卵泡,當中只有一個會形成主要卵泡排出;多囊性卵巢綜合症患者嘅卵巢就係有多個細小但不成熟嘅卵泡,形成不排卵導致不孕。

多囊性卵巢綜合症有咩徵狀?

最常見嘅徵狀包括經期異常,月經週期通常超過35日。或因為雄激素旺盛,而出現唇毛、體毛、青春痘增多。仲會突然肥胖,皮膚變黑,甚至出現脫髮。

患者要點注意飲食?

呢種內分泌疾病同代謝,荷爾蒙嘅平衡息息相關。一般飲食原則應選擇低升糖指數、低炭水化合物、高纖、非加工食品。多食富纖維食物,例如五穀類,豆類,水果等。大豆更可以令胰島素、胰島素抵抗、血糖顯著下降,有助對抗荷爾蒙不衡。飽和脂肪酸食品,例如肥肉、各種家禽家畜嘅皮、全脂奶、油炸食物等容易導致胰島素抵抗,令多囊性卵巢綜合症惡化,所以都應少食。

另外,食用肌醇亦有助改善多囊性卵巢綜合症。肌醇能夠增加胰島素嘅敏感性,令胰臟減少分泌胰島素,及卵巢減少雄激素。由於雄激素會抑制卵泡發育,所以雄激素減低咗,卵子更容易成熟,卵巢就可以正常排卵。

如果你係想懷孕,有一日見到你登記我哋孕婦按摩🤰🏻就真係恭喜晒你啦,如果你之前有以上徵狀,記得同我哋講聲,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 驗孕棒 有幾準?

  2. 暖宮有法(附10種建議食物清單)

  3. 密密做,懷孕機率唔一定高 計準排卵期 準備懷孕get set go! 

  4. 精子和卵子質素影響成孕機率(上)

  5. 精子和卵子質素影響成孕機率(下)

  6. 高齡產婦攻略


《驗孕棒 有幾準?》

Category : 懷孕前

一條線?兩條線?一深一淺線?媽呀~我好亂呀!喺了解驗孕棒嘅準確度之前,唔知大家又知唔知驗孕嘅原理呢?一般家用驗孕棒都係測試尿液中有冇「孕激素」,即人絨毛膜促性腺激素 (hCG),嚟決定測試者是否懷孕。

咁究竟進行性行為之後幾耐先會產生足夠檢驗到嘅孕激素呢?hCG最初由受精卵產生,最快都需要6、7日。而由受精成功起計至少需要11日孕卵先會著床,呢個時候受精卵就會真正開始大量分泌hCG。所以大家唔使急於進行性行為之後立即驗孕,因為無論有冇受孕,呢個時候嘅hCG濃度都係唔足以準確咁達致有效結果架。建議最早等6日先驗,如果想比較准確嘅話就等11天後,受精卵著床之後再驗,咁就比較有參考價值。

如果正確使用,市面上一般嘅驗孕棒準確度都已經達到85%至95%。使用驗孕棒嘅時候,建議最好選擇一早起身第一次嘅小便做測試,而且注意驗孕之前盡量唔好飲水,以免降低尿液中hCG嘅濃度而影響咗結果嘅準確性。

即時hCG 水平係懷孕初期非常低,但從懷孕最初幾週迅速上升嘅hGC濃度都可以預測到。如果你想要更確切嘅答案,咁最準確嘅方法當然都係去化驗所或醫務所抽血測試啦。而且呢個方法仲可以知道懷孕荷爾蒙度數,從而估計懷孕週數。有問題,就搵醫生傾傾啦!

如果你係想懷孕,有一日見到你登記我哋孕婦按摩🤰🏻就真係恭喜晒你啦,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 暖宮有法(附10種建議食物清單)

  2. 密密做,懷孕機率唔一定高 計準排卵期 準備懷孕get set go! 

  3. 精子和卵子質素影響成孕機率(上)

  4. 精子和卵子質素影響成孕機率(下)

  5. 高齡產婦攻略


《暖宮有法(附10種建議食物清單)》

Category : 懷孕前

好多想懷孕嘅女士都會調理身子,曾經就有位準備好懷孕嘅同事睇完中醫話我知,佢嘅中醫形容「你個子宮好似北極咁寒」,結果佢花咗差唔多成年先reset返好身體。可見暖宮真係應由日常做起,唔係到想懷孕先嚟調理架。

子宮長期受寒,唔單止影響受孕機會,仲會令卵巢提早衰老,月經時零舍痛,容易肥,外貌都有可能更易老,實在係女人嘅大忌!

我哋可以透過唔同方法暖宮,當中共通點都在於保持血氣循環!例如透過全身按摩,針對腹部穴位局部按摩,或者針灸去疏通經絡,促進腹部血液同淋巴嘅循環,放鬆肌肉。每日用暖水袋,暖包等放喺下腹大約15分鐘,亦可以幫助子宮驅寒。

十種暖宮好物:

當歸:被喻為「婦科好藥」嘅當歸性溫,具有補血活血、適宜調理經期紊亂或不適

山楂:性平微溫,而且營養豐富,能夠滋陰養腎,驅走宮寒

桂圓:桂圓性溫,鐵質亦量相當豐富,有助益氣補血

杞子:可以養肝明目、溫熱身體

紅豆:紅豆性平,含鐵質及維他命B,對保養脾胃、祛濕好有幫助

黑豆:性溫,同紅豆相似,係祛濕,健脾胃嘅好幫手

黑棗:性溫味甘,補氣養血

韭菜:性溫,能促進脾胃對營養物質嘅吸收,增強免疫功能,有助驅寒

黑桑子:含豐富鐵質,有助補血

羊肉:羊肉性溫,能顯著補溫,有助補血、補腎、驅寒

如果你係想懷孕,有一日見到你登記我哋孕婦按摩🤰🏻就真係恭喜晒你啦,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 密密做,懷孕機率唔一定高 計準排卵期 準備懷孕get set go! 

  2. 精子和卵子質素影響成孕機率(上)

  3. 精子和卵子質素影響成孕機率(下)

  4. 高齡產婦攻略