fbpx

《密密做,懷孕機率唔一定高 計準排卵期 準備懷孕get set go!》

Category : 懷孕前

要提高懷孕機會,就首先要了解女性生理週期。因為卵子喺卵巢排出後最多只會存活24小時,而精子一般於女性體內可存活3日。所以密密做,唔一定能夠懷孕!考慮到精子同卵子嘅壽命,喺排卵日前5後1日行房,就可以將懷孕機會提高。

由月經第一日到下次月經嘅前一日為之一個生理週期。每個生理週期分為生理期、排卵期、同安全期。

生理期:即係月經,約5日,一般加減3日內都算正常。

排卵日/期:以一般生理週期28日計算,卵巢大若喺第12-16日排卵!排卵日同前一天嘅受孕機會最高。由於每月排卵日有誤差,而精子可以存活於女性體內約3日,所以在排卵日之前的幾日進行性行為,都有機會懷孕。

安全期: 顧而言之,生理週期內其餘時間就係安全期,懷孕機會很低。

亦有人用體溫變化,測出排卵日。不過值得了解嘅係,排卵之後嘅卵巢會分泌黃體素,繼而令體溫上升。所以當你測出較平日高嘅體溫時,已經太遲。

陰道分泌增加亦係排卵嘅徵兆。排卵時,陰部分泌會較多,分泌物顏色接近透明而且較黏。另外,你亦可利用排卵測試棒嚟預測排卵期。

12個月內有正常性行為而又無避孕,但女方都未能懷孕嘅話,就建議你向醫生求診。

如果你係想懷孕,有一日見到你登記我哋孕婦按摩🤰🏻就真係恭喜晒你啦,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 精子和卵子質素影響成孕機率(上)

  2. 精子和卵子質素影響成孕機率(下)

  3. 高齡產婦攻略


《精子和卵子質素影響成孕機率(下)》

Category : 懷孕前

女性懷孕嘅關鍵,取決於卵子嘅質素。而年齡正正對卵子質素有著最直接嘅影響,女性一般由35歲開始,體內卵子嘅質素就會開始下降;高齡產婦受孕機會不但較低、生畸胎嘅風險亦隨著年齡而上升,而且人工受孕亦未必能確保胎兒嘅質素。

現代人普遍遲婚,根據政府統計處2012年嘅數字顯示,女性生育年齡中位數,已經由1981年嘅27歲,上升到2011年嘅31.9歲。其實,要了解卵子質素,我哋除咗睇真實年齡外,仲要留意卵巢年齡。全球至少有百分之一嘅女性有卵子提早老化嘅問題,導致佢哋較難受孕。如果你對自己嘅卵巢年齡有疑問,就建議你同醫生抽血做個詳細檢查。

另一個重要因素影響卵子嘅質素就係體重。近年坊間流行唔少修身方法,生酮飲食就係其中之一,主打低碳水化合物,高脂肪嘅飲食方法。若長期攝取碳水化合物不足,就好容易令激素例如黃體素同雌激素嘅水平急劇下降,影響卵子成熟,更有可能導致停經或增加不育風險。不過,唔好以為過瘦先會難以受孕,因為其實體重過高或過輕嘅女性都會較容易產生不成熟嘅卵子,令佢哋較難受孕。如果佢哋選擇人工受孕,胚胎嘅著床率同存活率亦會較低。BMI 過高嘅女性懷孕嘅時候更加會容易患上妊娠糖尿,對BB同自己嘅健康造成風險。

如果你係想懷孕,有一日見到你登記我哋孕婦按摩🤰🏻就真係恭喜晒你啦,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 精子和卵子質素影響成孕機率(上)

  2. 高齡產婦攻略


《精子和卵子質素影響成孕機率(上)》

Category : 懷孕前

上一輩都說「 有仔趁嫩生」。大家有否想過, 原來這句話不僅指女性,套用在男士身上也是同樣道理!傳統智慧和現代科學都證明了, 精子和卵子的質素都會隨著年齡增長而受影響。《香港醫學雜誌》曾經刊登一項涵蓋逾3,000對香港夫婦的研究。結果指出男性年紀愈大,特別是在40歲後,其精液量、精子前向活動能力、總活動精子比例都愈低,反映年齡也會影響男士的精子質素及數量。

另外,溫度亦會影響精子質素。由於精子不能存活於太高温的環境,所以陰囊的溫度一般比體溫低3度左右,在這樣的溫度下睾丸才能有適當的環境製造精子。

雖然現今沒有甚麼方法有絕對的把握,提升精子的質素,但若果你和伴侶有生育打算的話, 那亦應該留意以下幾項,盡量提升成孕的機會。不良的飲食習慣、肥胖和煙酒等因素,都會影響內分泌和新陳代謝,直接影響精子質素。而壓力對精子質素的負面影響可能比以上因素更大。長期生活在壓力大的情況下,精子中的睪固酮荷爾蒙水平會較低,直接影響生殖健康!

說了這麼多要注意的事情, 其實也有比較輕鬆的分享。曾經有研究指出,男士精子的活躍程度在早上比晚上高,大家可以參考一下。

想提升成功懷孕機會,精子和卵子質量同樣重要。所以,伴侶二人也要一起努力,做好準備呀!

如果你係想懷孕,有一日見到你登記我哋孕婦按摩🤰🏻就真係恭喜晒你啦,俾咗條link你先啦,祝你地好運🍀

https://www.beautymama.com.hk/latest-offer/


相關文章:

  1. 高齡產婦攻略


《大肚婆好冇搽防曬?》

Category : 懷孕中

夏天未到太陽先到,過去嘅五月,天文台最高曾錄得超過36度,係1884年開台以內最熱嘅五月!無論你喜歡雪白嘅肌膚定一身健康膚色,搽防曬都一定唔少得,但大肚媽媽好冇搽防曬呢?孕婦嘅防曬有冇咩要特別注意?

首先我哋要了解防曬嘅兩大種類分為物理性防曬同化學性防曬,兩者嘅分別可以理解為,前者係於皮膚表面加添一件防曬衣;而後者就係深入皮膚去設立防曬屏障。兩種方法各有利弊,視乎個人日常生活習慣同喜好。

物理性防曬通常含有天然礦物防曬粒子,利用鏡面原理反射折射紫外線,所以塗上產品就會立即得到保護,不需等待皮膚吸收。而且防曬成分不會滲透肌膚,刺激性較低,特別適合孕婦使用。但弊處就係容易隨著流汗或磨擦消失,減低保護力,大汗嘅孕婦就要記緊不時補搽防曬喇!

化學性防曬嘅成分能夠將紫外線轉化成熱能釋放,好處係較防磨防汗。但由於需要滲入皮膚才能起,所以一般要搽完後10-15分鐘先開始有效。孕婦嘅生理和心理均隨著懷孕而起變化,變得容易敏感,而由於化學防曬成分滲入皮膚有可能引致過敏或刺激,所以建議孕婦最好不要選用。

懷孕媽媽要keep住容光煥發,今個夏天就記得要搽防曬,因應個人需要選用適當嘅產品,亦要不時記得補搽防曬,例如可以用防曬粉代替液體狀防曬去補搽,咁就萬無一失啦!

揀啱防曬就可以多啲出街,想嘆個孕婦按摩,可以試吓登記以下嘅link https://www.beautymama.com.hk/latest-offer/


《高齡產婦攻略》

Category : 懷孕前

成日都話有仔趁嫩生,但係香港生活緊張工時長,女性40歲打後陀B生仔既情況,確係越嚟越普遍。高齡生仔既風險一堆堆,不過家下醫學進步,真係有心做媽媽既話,事前係心理及生理都做好準備,破除年齡呢個數字因素,講到底身體質素先係最重要。

高齡一族其中一個最大既難題,就係懷孕機率比較低,所以睇中醫養宮調理身子,搵西醫做個詳細既產前檢查,因應自己既體質對症下藥,打好個底幫BB預備好間〈屋〉之外,仲可以係計劃懷孕前三個月,開始每日服用葉酸(400微克),可以幫助受精卵安全著床,等胚胎健健康康咁成長。

懷孕期間,高齡產婦除左要做唐氏檢測之外,亦都應該徵詢產科醫生意見,視乎本身既情況,有無需要額外增加產檢既次數,減低本身及BB既風險。而係孕期中,最重要係控制飲食,控制好體重,唔好攝取過量既澱粉質及糖份,好似高糖分既水果都盡量少食,否則好易令血糖失控,引發妊娠糖尿病毒。

妊娠性毒血症及生產時大量出血,係高齡產婦較大風險會患上既,為左預防及減低中招既徵狀,係孕期內可以日服鈣質(1000毫克)及鐵質(30毫克),配合埋適度既帶氧運動,舒展盤骨提升身體既柔軟度,為生產做最好既準備,保持心情開朗,就算高齡陀,都無友怕喇!


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 一文睇清懷孕前、中、後期要補充咩營養(前期)

  2. 一文睇清懷孕前、中、後期要補充咩營養 (中期)

  3. 一文睇清懷孕前、中、後期要補充咩營養 (後期)

  4. 精子和卵子質素影響成孕機率(上)


《順產後想盡快搵返條24吋腰》

Category : 產後

生完之後,媽咪眼裏雖然只有B仔B女,但你消失咗嘅黃蜂腰係大家都見到架(講笑mode)!懷孕期間多餘嘅脂肪同水份,會令肚皮鬆弛。想一齊搵返你條24吋腰?立即準備張瑜伽席或喺床上,同我哋一齊試下呢幾個簡單修腰運動啦!

1)卷腹

 平躺喺瑜伽席上,屈曲雙腿並將雙手放喺大腿上。 向膝頭推上嘅時候呼氣;向返瑜伽席平躺嘅時候吸氣,重複15-20下,幫助鍛煉腹肌。

2)橋式

同樣平躺喺瑜伽席上,屈曲雙膝並張開雙腿至大約盆骨位置。以腹及臀嘅肌肉做一個橋式動作,吸氣保持7拍,呼氣時肚就落8拍,重複4次,幫我哋收緊腹肌。

3)抬腿

平躺之後屈曲左腳支撐身體,然後將伸直嘅右腳慢慢抬起,直到身體同右腳成90度。呼吸方面我哋同樣保持上呼氣,落吸氣。每邊腳做15-20下,就可以修細腰兩邊嘅肌肉,搵返條腰!

4)申縮雙腿

同以上抬腿運動相似,不過今次我哋要將雙腿都屈曲,然後抬起小腿成90度,腳指尖指向前。準備動作做好之後,慢慢將雙腿向自己拉,然後放鬆返回90度位置,同樣係做15-20下。

注意:順產媽咪一般喺產後 4至6個禮拜就可以開始做修復運動; 而剖腹媽咪就要6至8個禮拜後,等醫生診斷惡露已經排清,傷口完全復原,先好進行收腹運動呀 。

夠勤力都要啱方向,紮完個肚令到內臟修復再做運動,事半功倍,想試吓我哋BeautyMama嘅紮肚服務可以去以下嘅link 了解更多https://www.beautymama.com.hk/Reg/binding/Registration/htm/


相關文章:

  1. 我適合古法紮肚嗎

  2. 古法紮肚


《古法紮肚》

Category : 產後

媽媽為生小朋友嘅付出, 除了係承受精神上嘅壓力,擔心胎兒健康,為子女的將來打算外, 其實身體上都付出不少。由懷胎十月嘅不適,到生產時嘅痛楚;生產後身型更有可能「走樣」。所以近年,唔少孕婦嘗試古法紮肚,以改善產後身型。 究竟咩係紮肚?紮肚嘅原理又係點?

要了解紮肚點樣改善產後身形,就首先要了解生產對身型有可能造成嘅變化。懷孕期間,孕婦有可能因腹部過度擴張而出現「腹直肌分離症」。腹直肌係兩組響腹部中央嘅肌肉,懷孕令腹部脹大,因而導致腹部筋膜層被拉鬆,甚至無法回復原來位置,肚皮無足夠承托力,而令內臓移位。盆骨亦會隨著懷孕而向外擴張,變得扁闊「走樣」。

體內變化而言 ,胎兒一日一日在子宮成長,而被撐大了嘅子宮會令大小腸及同其他器官受壓,令新陳代謝變慢, 容易積聚肚風,從而導致毒素,宿便問題。亦有機會出現大肚腩、腰痛、肥胖、虎背熊腰,甚至尿滲等問題。

紮肚源於馬來西亞皇族,原理就係利用人手按摩腹部按摩,有時候亦會配合天然精油使用,從而疏通經絡,以達致去水腫嘅效果。最後以紮身帶縛住胸部以下到盤骨嘅位置,整個療程大約10至15天。相傳甚至可以改善與生俱來的豪華臀部。

但各位媽媽要注意,紮肚唔係用來消脂,而係輔助產後修身,所以必須同時配合飲食和運動,先至能夠達至減肥作用。


如果想試吓我哋BeautyMama嘅紮肚服務可以去以下嘅link 了解更多 https://www.beautymama.com.hk/Reg/binding/Registration.htm/


相關文章:我適合古法紮肚嗎


《BB紀念品》

Category : 產後

十月懷胎順利御貨後,唔少升呢阿媽既JM,全副精神心機都會放晒落阿B度,所有關於阿B既野都會高度關注,講既唔止係衣食住行身體狀況,仲有一齊可以〈留住阿B呢一刻〉既一切行動,都正式開展;影BB寫真、整立體手仔腳仔、儲臍帶血、買定12個月既相架、乳齒儲存盒,上網同唔同既媽媽朋友傾開,其實以上種種,原來只係最基本既動作咋。

做左阿媽就會明,阿B大得好快,所以對於有關仔女所有野,都會用盡方法保留,我聽過有阿媽想將阿B第一PAT屎都真空處理,唔係誇張係真人真事。其實又唔駛咁去到咁盡既,想將BB相關既野留念,坊間都有唔少產品,直接上網訂就得,今日同大家分享下,最有紀念價值又受歡迎成品,睇下邊D啱心水。

阿B出世後,唔少人都會擇日幫阿B剃胎毛,胎毛最常做成毛筆,以前D人會留嚟入學時開筆,寓意學業有成,家下就梗係作為留念,無乜人真係會用。至於十天八日甩落嚟既臍帶,話晒係第一道連繫住兩母子既根源,最多人就將臍帶用水晶膠製成印章,以前去銀行儲錢攞錢,唔少人都會用印章,寓意阿B一世有財,亦有人會製成鎖匙扣,寓意阿B有屋有房。

近年仲有D新搞作,由BB同媽媽連埋一齊既crossover成品,就係用母乳、胎毛同埋臍帶混埋,再用唔同既物料,訂造出唔同既鉓物,好似頸鍊、耳環、手鍊、戒指、吊飾咁,真係去到邊都可以繼續母子連心,做阿媽既當然最開心係可以繼續不停SHOP喇!

https://m.facebook.com/PreciousThesilveris/
https://www.pipisodiy.com/categories/umbilical-cord
https://www.pipisodiy.com/categories/breast-milk
https://www.pipisodiy.com/categories/lanugo


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/