fbpx

《意外之後,喜出望外?》 何博士心理系列 (第 6 篇)

Category : 懷孕前

看著驗孕棒的一刻,心跳開始加速。淡淡的兩條線,即代表自己肚內多了一個小生命嗎?多次失望後再不敢有期望,疑幻似真的感覺,要先再到婦產科確認一下,還是立即通知老公?應怎認?腦內出現一連串的問題,一時消化不了內心的喜悦和恐懼。

對以上情景,有似曾相識的感覺嗎?在香港,不少夫婦曾為生育而困擾。往往在準備放棄之際,發現懷孕,喜出望外,同時也膽戰心驚,怕隨時會失去小生命而變得慌張、焦躁,甚至產前抑鬱。

孕婦初期會因為害怕走動太多而作小產或早產。如在懷孕初期曾有「流啡」或作小產的徵兆,她們更會變得更小心,避免做任何大動作或運動,甚至停止進行任何有益身心的活動,以避免影響胎兒的成長。就算到了懷孕中後期,胎兒已安穩地成長,她們都不願挺而走險,寧願忍受孕期各種不適如腰背酸痛。結果不適沒有減輕,反而更因預產期漸近而憂慮不安,身心疲累。同時因社交活動大減,令患上產前及產後抑鬱的風險大大提升。新手父母更會因育兒的事情壓力大增,產生磨擦影響到夫妻關係。

其實因懷孕、生產及育兒的事情感到緊張及焦慮是人知常情。但必須要留意自己的情緒健康,如意識到壓力焦慮超標,就應尋找舒緩方式如聽音樂、看書、 小休、品茶、會友、美容、瑜珈、按摩、到郊外散步或運動等。如以上方法仍未能改善情緒,心情持續鬱悶或憂心,便應盡快尋求專業輔導,以解心中鬱結,減低產前或產後抑鬱的風險。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕期抑鬱要知多啲

  2. 成為媽媽後 真的會變蟲及健忘

  3. 孕期夫妻關係 如何影響產後親子關係

  4. 孕媽媽心情如何輔助小朋友的情緒發展?

  5. 親子關係 一切從懷孕開始

  6. 你有機會會患上產後焦慮症嗎?

  7. 老婆大肚!點做個100分爸爸 全方位孕婦情緒支援

  8. 新手爸爸101:認清孕婦心理變化同可能產生焦慮嘅原因


《孕期抑鬱要知多啲》 何博士心理系列 (第 5 篇)

Category : 懷孕中

大家都知道孕婦要保持心境開朗,因為心情不佳會影響BB成長,但箇中原理是如何呢?而媽媽心情又會影響BB那方面的發展呢?

聽得最多是會影響BB的生長速度,俗稱「唔長胎」,BB出世時會較輕磅。通常長輩都認為,輕磅的BB會較難湊:第一,BB體重輕,抱起來好像很容易整到;第二,BB食奶時吸啜力比較細,又會怕BB食唔飽。

從科學角度睇,當孕婦心情不佳或有孕期抑鬱時,除了會影響BB體格成長,還會嚴重影響到BB日後的情緒智商及管理能力。

根據一項追蹤研究,比較一群4歲小朋友的情緒智商發展,部分小朋友的媽媽曾在孕期時有抑鬱,另一部分的小朋友的媽媽則沒有孕期抑鬱。結果發現,如媽媽有孕期抑鬱,即使產後完全痊癒,當小朋友4歲時,他們會較易因情緒失調而有衝動性行為(dysregulated aggression),而且亦於情感調節(affect regulation)方面表現亦較遜色。

雖然情感發展只是成長中的一部分,但當小朋友無法控制情緒或恰當地表達自己心情,這不只影響情緒智商,還有親子關係、朋輩關係、認知發展、自信心及自我概念等,這些都是環環相扣的。

所以身為孕媽媽,一定要盡量時刻保持放鬆的心情,多進行以下活動是有幫助的:

1 小品閱讀

2 畫畫(可隨意亂畫)

3 接觸大自然

4 看海

5 呼吸練習

6 冥想

7 肌肉放鬆 練習或按摩 

8 唱歌 

9 浸浴(水溫要適中及不宜太久) 

10 運動 – 游泳

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 成為媽媽後 真的會變蟲及健忘?

  2. 孕期夫妻關係 如何影響產後親子關係

  3. 孕媽媽心情如何輔助小朋友的情緒發展?

  4. 親子關係 一切從懷孕開始

  5. 你有機會會患上產後焦慮症嗎?

  6. 老婆大肚!點做個100分爸爸 全方位孕婦情緒支援

  7. 新手爸爸101:認清孕婦心理變化同可能產生焦慮嘅原因


《成為媽媽後 真的會變蟲及健忘?》 何博士心理系列 (第 4 篇)

Category : 產後

普遍人認為女人生產後好像會變得比較蠢, 而且無記性,但是否有科學根據呢?

原來不少腦科學都有研究這個問題,發現原來媽媽在懷孕時期,荷爾蒙會不停變化,並逐漸影響大腦其中掌管情緒的部分 一 Amydala 的功能。而這是一個必要的影響,這是為了讓媽媽於生產後能更體貼地照顧BB需要,令媽媽能更容易閱讀到BB的情緒變化。這個掌管情緒的部分還會幫助孕媽媽建立對胎兒的同理心及依附關係機制。

很多時媽媽的家人和朋友會斥責她們過分緊張,應該放鬆一點,不要太專注於BB。其實這是在進化心理學說中所講的一個重要生理機制,為的是確保下一代能得到足夠照顧繼續生存。所以當BB出世後,媽媽會比其他人敏感,更快地留意及察覺到BB的一舉一動。 

現代科學及心理學研究就能解釋到其實媽媽們過份緊張的行為和反應,都是生理反應受荷爾蒙影響。相對他人,她們會更容易聽到BB哭鬧聲,感受到BB的不安,同時亦較容易受BB正面情緒所感染。這些都是孕媽媽準備照顧初生BB一個不可或缺的環節。 

作為孕媽媽及她的伴侶、家人和朋友應對她們多點包容。她們不是刻意將你們放一邊,不是嫌你們不夠幫助,或她們已變蠢及健忘。反而是她們的生理及心理機制抑壓她們去留意及處理其他事項,確保媽媽能保留更多心神照顧孩子。 

她們只是比「妳」更能閱讀到BB的感受,繪形繪聲地替BB演繹,請相信媽媽們的直覺。再講,這些轉變亦是媽媽與BB建立良好親子關係的重要里程碑。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕期夫妻關係 如何影響產後親子關係

  2. 孕媽媽心情如何輔助小朋友的情緒發展?

  3. 親子關係 一切從懷孕開始

  4. 你有機會會患上產後焦慮症嗎?

  5. 老婆大肚!點做個100分爸爸 全方位孕婦情緒支援

  6. 新手爸爸101:認清孕婦心理變化同可能產生焦慮嘅原因


《孕期夫妻關係 如何影響產後親子關係》 何博士心理系列 (第 3 篇)

Category : 懷孕中 , 懷孕前

如你看到題目便心想“不需要孕期心理學家也知道夫妻關係要好,才能建立良好的親子關係”,那你一定要看這篇文章,因為你只答對了一半!

根據2017年3月刊登的嬰兒精神健康研究,發現原來夫妻關係只會影響到準爸爸們與BB嘅親子關係,媽媽就不受影響。

如準爸爸感覺到太太沒有讓他們參與生產,產後及育兒準備,通常會令夫妻間變得疏離,準爸爸更有可能寧願工作,不願回家令夫妻關係變得更差。

而因為母親的天性,需要保護BB,夫婦關係不太會影響媽媽與BB建立親子關係。反而孕媽媽會因個人因素及自身安全感影響到親密依附(親子關係)的素質。如媽媽在孕期內感到抑鬱(上篇已提及 過)或時常有以下想法:

  • 害怕丈夫嫌棄或拋棄自己

  • 懷疑自己不是丈夫最愛

  • 覺得丈夫沒有從前愛自己

  • 覺得丈夫對自己及BB不夠好

  • 猜度丈夫是否一個好爸爸

這些想法都會牽動到媽媽的情緒,繼而不自覺地太留意丈夫的言行,甚至產生懷疑繼而又影響媽媽情緒,惡性循環,這不只影響到孕期的親密依附(親子關係),亦令夫妻及親子關係變差。

如在孕期中的你出現以上情況,先必冷靜了解自己是否屬於缺乏安全感的一群(其實是不少的,但可調較),若然是,你要學習調整心態,作為媽媽你要為BB學習踏出第一步,學習相信枕邊人,不要懷疑及猜度。

照顧好自己心情,減低產生抑鬱情緒,定期做有規律的舒緩身心活動。如情況未有改善,請盡快找專業人士作產前輔導。

媽媽快樂,所以孩子快樂,看得懂的你會知道,有安全感的BB來自有安全感(尤其是對丈夫)的媽媽。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 孕媽媽心情如何輔助小朋友的情緒發展?

  2. 親子關係 一切從懷孕開始

  3. 你有機會會患上產後焦慮症嗎?

  4. 老婆大肚!點做個100分爸爸 全方位孕婦情緒支援

  5. 新手爸爸101:認清孕婦心理變化同可能產生焦慮嘅原因


《新政策積極消除懷孕歧視》

Category : 懷孕中 , 懷孕前

我留意到公司多咗大肚婆!記得有次同外國同事講起香港產假「前4後6」, 總共都係得十個禮拜,佢哋真係聽到眼都凸埋。 雖然對比外國長達6-10個月嘅產假,本港法定產假都仲有一段距離。不過好消息係由上年12月11日開始,法定產假已經由10個禮拜延長至14個禮拜。

政府亦隨即推出「發還產假薪酬計劃」,幫助僱主承擔延長後第11至14個禮拜嘅額外薪金。 只要透過「發還易」網站,就可以申請以每名僱員80,000元為上限嘅補償。

對於「手停口停」或者請長假有困難嘅打工仔嚟講真係個喜訊!即係全港在職懷孕媽媽🤰唔怕老闆嬲豬啦。

產假放得安心好多,減低歧視之餘,亦鼓勵生育。老闆申請咗補助又可以有多個選擇聘請散工。幾時都話香港大肚婆是幸福的💕

如果你係僱主,就留意要符合以下條件先合資格申請薪金發還:

  1. 申請所涵蓋嘅僱員須由申請人僱用,並符合《僱傭條例》訂明享有產假同產假薪酬嘅資格;

  2. 僱員已放產假及申請人已向僱員支付全數14個禮拜嘅產假薪酬;

  3. 僱員於2020年12月11日或之後分娩;

  4. 已支付予僱員的新增四個星期產假薪酬不曾及將不會獲其他政府撥款支付或補貼。

相關綱店 : https://www.rmlps.gov.hk

想慶祝吓新政策,可以嚟試做下我地嘅專業孕婦按摩療程

https://www.beautymama.com.hk/latest-offer/


《孕媽媽心情如何輔助小朋友的情緒發展?》 何博士心理系列 (第 2 篇)

Category : 懷孕中

原來胎兒活動時間與BB出世後嘅作息時間有密切關係。當掌握了BB的活動情況及作息時間,便有助透過觀察BB活動量,從而理解他/她們的情緒發展。

懷孕中嘅你,有無發現肚入面嘅BB時常係同一個時間特別活躍?根據以往個案,我做了個非正式統計,叫媽媽回憶下懷胎嘅情況,發現初生BB頭一至兩個月的作息時間與胎兒時的活躍時間非常吻合。如胎兒在下午四、五點較為活躍,似乎初生時亦會在下午四、五點特別精靈和媽媽互動。有些媽媽更留意到如自己進行劇烈活動、進食、或情緒波動後,BB嘅活動量亦會隨即增加,而且會變得劇烈及頻密。

其實BB在媽媽體內主要是透過聲音及非常微弱的光線認識與感受媽媽的生活節奏模式。除了聲音光線,BB亦會聽到媽媽嘅心跳、呼吸、血液流動及說話時的聲音。所以當媽媽情緒波動、說話聲音提高及心跳呼 吸加速等,BB都能直接感受。所以懷孕中的你,不妨留意下自己的情緒波動會否影響胎兒活動情況。應盡量維持心情平伏,避免因懷孕期間的各種因素令自己感到壓力而影響心情,繼而影響BB情緒穩定。

建議媽媽多些參與減壓活動,如游泳、瑜珈、散步、聽舒緩音樂、閱讀、按摩及產前心理輔導等。參加一些有質素的產前講座,亦有助預先了解生產及照顧初生BB的要點,能提升孕期孕育胎兒的質素及照顧初生BB的信心,最重要是有助BB在產前產後的正向發展。

何善韻博士(孕期心理學專家) 


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 親子關係 一切從懷孕開始

  2. 你有機會會患上產後焦慮症嗎?

  3. 老婆大肚!點做個100分爸爸 全方位孕婦情緒支援

  4. 新手爸爸101:認清孕婦心理變化同可能產生焦慮嘅原因


《親子關係 一切從懷孕開始》 何博士心理系列 (第 1 篇)

Category : 懷孕中

懷孕除咗要照顧準媽媽生理上嘅各種變化與不適,仲要關心佢地心理上嘅需要。 BeautyMama 特別請來懷孕心理學專家 一 何善韻博士,分享關於孕婦及親子關係嘅資訊。

原來係孕期心理學當中,每一位媽媽對未出世BB嘅感受,都會影響將來嘅親子關係。而呢一種咁特別嘅親子關係,我地會稱之為產前依附關係 (Prenatal Attachment)。

產前依附關係包括媽媽係情感上同BB嘅聯繫,包括同BB親密程度,媽媽對BB嘅睇法係正面或負面。如媽媽能夠每日嘗試多諗下BB,摸下肚仔都可以從而增進親子關係。

不過準媽媽又不需過份想像擔心將來,因為這樣會做成壓力,反而會有反效果。

信任自己作為媽媽嘅天性,順應自然,多點同BB互動溝通,不止可增進親子關係,更能借助親密嘅親子關係消除疑慮,令身心健康舒暢!

何善韻博士(懷孕心理學專家)


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 你有機會會患上產後焦慮症嗎?

  2. 老婆大肚!點做個100分爸爸 全方位孕婦情緒支援

  3. 新手爸爸101:認清孕婦心理變化同可能產生焦慮嘅原因


《新手爸爸101:認清孕婦心理變化同可能產生焦慮嘅原因》

Category : 懷孕中

有人話大肚婆嘅情緒就好似坐過山車咁,呢一秒心情好就大笑,下一秒隨時就變得抑鬱。作為孕婦身邊嘅最大後盾,爸爸亦因此承受唔少壓力。無視太太嘅情緒或者默默咁接受所有要求,都只會令兩公婆壓力爆煲,更有可能影響胎兒造成早產或流產。所以我地要認識呢啲情緒波動嘅來源,了解孕婦心理嘅變化。

生理影響

懷孕後內分泌系統嘅變化會直接影響孕婦脾氣。女性荷爾蒙如黃體素增加,有機會令太太感到脹氣或有便秘,水腫嘅問題;人類絨毛膜促性腺激素嘅上升就會導致噁心、嘔吐;泌乳激素嘅分泌有機會令乳房脹痛。以上只係部分嘅生理變化,可想而知太太懷孕期間生理變化對心理嘅影響有幾大。

財政壓力

隨著新生命嘅來臨就係大大小小嘅開支。從醫療費用,媽咪嘅保健產品,BB用品,到將來教育等等嘅開支,霎時間可能造成龐大心理憂慮。兩夫婦若果盡早計劃財政,按個人能力安排開支,就可以減少對未來嘅憂慮 。

自身變化

媽咪如果一時未能適應身體上嘅變化如體型,妊娠紋;或者心理變化如家庭同社會角色嘅轉變,這些轉變都會形成心理憂慮。

胎兒

有關胎兒嘅一切包括生產過程,BB健康,發育是否達標等絕對係最容易令媽咪,特別係首次大肚嘅媽媽擔心。最重要係有足夠嘅資訊,認清每個懷孕階段嘅變化,如有疑問就向專業人士尋求意見。


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 你有機會會患上產後焦慮症嗎

  2. 老婆大肚!點做個100分爸爸 全方位孕婦情緒支援


《你有機會會患上產後焦慮症嗎?》

Category : 產後

產後抑鬱症大家可能都聽得多,產後焦慮症,大家又聽過未?

擔心BB出世後應付唔到咁多野

有時無緣無故會感到唔開心或抑鬱

有時會怕自己唔係一個稱職既媽媽

經常會擔心怕樣樣都安排得唔夠好

根據 Yiu, Szeto, Wong & Miao (2009) 係香港既研究顯示,當時係香港共157個產後精神科轉介個案當中

只有 43% 出現產後抑鬱

48% 出現產後焦慮

係懷孕過程中就已經出現過焦慮症狀而未有及時處理

媽媽快樂 = BB快樂     媽媽健康 = BB健康 

快將為人母嘅你,記住首先要照顧自己嘅身、心、靈健康

先可以孕育出一個精靈活潑可愛嘅BB。

如何照顧到身心靈?遠離焦慮?

懷孕期間,因體重增加或荷爾蒙變化等有機會導致腳部浮腫、脹痛及抽筋等,引發坐骨神經痛及腰 酸背痛。有信譽及有經驗的孕婦按摩可以舒緩因懷孕導致身體上的不適,減少了周身骨痛,身體放鬆,達致快樂。按摩有助促進血液循環,達致健康,遠離焦慮症。

另一些研究亦顯示,要有效減低患上產後焦慮症嘅風險,其實係可以透過心理教育(Psychoeducation)去預先協助準媽媽了解生產過程,產後嘅生活變化,初生BB嘅生理同心理需要。令媽媽產後育兒路上更得心應手 。減低患上產後焦慮嘅風險之餘有更多心力去同BB互動,了解BB需要,建立良好既親子關係,增加BB嘅安全感建立。

懷孕期間,爸爸的愛是不能忽視的。爸爸適當的照料、支持及鼓勵對媽媽及BB有身心帶來正面 的影響。

當媽媽身體因懷孕感到不適,爸爸能為媽媽作適合的舒緩按摩,媽媽得到身體上的舒緩。媽媽感到爸爸滿滿的愛,促進夫妻感情,BB亦能感受到爸爸的愛 。

記住0-1歲係BB建立安全感嘅重要階段,亦奠定BB日後良好人際關係嘅基礎,邁向成功嘅關鍵。

李何善韻博士

Dr. Bianca Sin-Wan HO

Ed.D in Educational Psychology (CUHK)

M.A. in Counselling Psychology (USM, U.S.)

Registered Counselling Psychologist (HKPS)

美國有權威報告顯示孕婦按摩有效提升孕婦身、心、靈健康,遠離產後抑鬱,按摩=開心


想放鬆心情,可以試下BeautyMama 孕婦按摩,Click以下連結https://www.beautymama.com.hk/latest-offer/


相關文章:

  1. 老婆大肚!點做個100分爸爸 全方位孕婦情緒支援

  2. 新手爸爸101:認清孕婦心理變化同可能產生焦慮嘅原因