fbpx

《我適合古法紮肚嗎?》

Category : 產後

 

近年興起紮肚幫助產後修身,城中女星明媛都熱捧。甚至有未生育過的客人,希望嘗試透過紮肚改善身型。究竟紮肚療程適合什麼人?

古法紮肚是透過人手按摩和束帶紮身,改善腹直肌分離,盆骨擴張,宮寒,惡露等問題;有助新陳代謝,收肚腩,以達至重塑造身型的效果。

古法紮肚傳統是針對產後婦女回復產前身型,但其實對想纖體,或纖體後想定型的女士也有一定幫助。順產的媽媽一般只需等大約一個月,待體質恢復,惡露排清過後,就可以開始療程;而剖腹分娩的媽媽則須3個月後才好開始紮肚喔!剛才提過,古法紮肚對纖體有一定幫助,所以其實未生產過的女士,或已分娩多年的媽媽也可以接受療程以改善身型。

當然,媽媽剛生產完,體內還有鬆弛素,組織和骨骼會都會較易修復,因此產後半年會是紮肚黃金期。但各位千萬不可以心急,一定要按個人身體情況,或參考專業意見後才選擇開始療程。

但亦不是所有人都適合古法紮肚,特別是盤骨有舊患或下盤比較脆弱的女士就應最好先諮詢醫生的專業意見。

最後,大家要緊記古法紮肚療程一般長10-15日。無論是任何身體狀況的女士接受知此療程,都要明白這是輔助修身,而非幫助消脂的方法,千萬不要單純依賴古法紮肚而希望達致瘦身。若不當地延長紮肚時間,反而會令肌肉產生依賴,減低自身肌肉的力量。


《疫下懷孕自保法》

Category : 懷孕中

新冠肺炎搞左我地成年,WFH幾乎已經成為常態,兩公婆困住係間屋,唔覺意搞出人命都係人之常情,我身邊都有幾個對Couples係呢段期間傳出意外之喜,當佢地話我聽既時候,我同當事人一樣,擔心多過開心,鬼咩,疫下陀B,一旦感染好大機會影響埋個B,好多後果仲要係未知之數,最慘係匿係屋企都唔係零風險,可以做既真係唔多! 

Search完一輪資料,又問下產科醫生,再同陀緊B既姊妹傾下,有以下小貼士建議比大家。疫情下陀B要做既防疫措施,其實同一般人相若,但由於大肚荷爾蒙影響,真係會囉囉攣諗好多唔好既野,所以要盡量減少接收負面資訊,咪日日夜夜睇新聞,皆因一定報憂不報喜,不停loop住幾多人確診,幾多人死,邊度要圍封咁,唔好話大肚,正常人都抑鬱喇! 

基於限聚,好多社交活動都停晒,無得Gathering,無得做運動,無得做facial扮靚,出街行個圈食下野都未必夠膽,姊妹們不妨多D上網識下同路人,尤其係孕期差不多既,同聲同氣啱傾D,你會發覺You are not alone,心情開朗抗疫力及情緒都會好好多。

至於去醫院診所呢D高危地方,當然盡量少去為妙,不防同產科醫生傾下,睇下自己有無條件,可以將早孕期(30周內)既產檢由4星期改為6個星期,中期(30-36周)就由2個周改為3周,產前一個月就keep住一個星期一次,咁就少左1/3出入高危地點次數。之不過,有d講究時間既檢查,好似11-12周既唐氏綜合症篩查,同埋18-22周既結構性超聲波,就最好如期做唔好延期,而被醫生診斷有孕期既併發症,好似妊娠糖尿病,高血壓咁,就要跟返醫生吩咐喇!

當然,可考慮接種疫苗,但因為每個人身體狀況各異,事前必定要咨詢自己既產科醫生。都算係自保之一。

要擔心咁多野,孕婦難免會有鬱結感,孕婦按摩可以有效建立愉快心情,Click 以下Link 了解下啦,http://www.beautymama.com.hk/Reg/bellywrap/Registration.htm 睇完人都會開心啲,祝你孕期快樂

相關文章: 疫情下懷孕


《疫情下懷孕》

Category : 懷孕中

大肚,對部分女士嚟講本來已經係個挑戰; 疫情下懷孕,簡直就係對精神同肉體嘅終極挑戰!由於擔心自己感染新冠病毒,或擔心將病毒傳俾胎兒,媽媽可能會因此而減少出街,更有媽媽取消產檢,以避免進出醫院呢類型高風險場所。但經常留喺屋企又難免覺得鬱結,取消產檢更加忽略檢查胎兒成長同媽媽嘅身體變化,絕對唔建議。若果出街同人接觸,又怕會增加感染風險,心理壓力非常大。

以上種種聽起嚟好似好誇張, 但正正就係疫情下懷孕嘅媽媽每日要面對嘅擔憂。雖然無人能夠切身了解呢啲挑戰,但從傳染學角度去睇, 新冠病毒主要透過飛沫傳染。其實,世界衛生組織至今都未能證實, 孕婦係咪會將新冠病毒傳給胎兒,至今日亦無任何從母體羊水或母乳內, 發現新冠活病毒嘅個案。另外,美國醫學協會期刊嘅報告亦指出,新冠病毒透過孕婦傳俾胎兒嘅機率非常罕見。 希望各位媽媽可以減少憂慮 ,放鬆心情。

除咗擔心感染風險外,媽媽亦可能考慮到有冇人陪產或產後屋企人可否探望嘅問題。政府早前已經恢復陪產嘅措施,不過大家亦可以按自己嘅情況同考慮, 選擇公立醫院或私院。 另外,疫情期間政府醫院嘅婦產科門診已經與其他門診分開,進入診所前亦會詳細紀錄到訪者嘅發燒或外遊歷史,令到訪媽媽有多一份保障。

要擔心咁多野,孕婦難免會有鬱結感,孕婦按摩可以有效建立愉快心情,Click 以下Link 了解下啦,http://www.beautymama.com.hk/Reg/bellywrap/Registration.htm 睇完人都會開心啲,祝你孕期快樂。


《孕婦按摩要認證?咁點揀先係好?》

Category : 懷孕中 , 懷孕前

相信大家多多少少都有按摩經驗,不過孕婦按摩同埋一般按摩到底係咪同一樣嘢呢?

簡單咁講其實係兩樣嘢㗎!因為無論按摩手法、力度都好唔同,而且孕婦有穴位禁忌,按摩時係應該避免觸碰。

所以幫孕婦按摩係一門獨特嘅專業按摩技術,唔係人人都可以幫人做,就算識做又唔一定做得好!

係現時咁多選擇情況下,到底我哋點先知道邊一間公司嘅技術水平好啲呢?

我哋又可以根據啲乜去評估一間公司好唔好呢?

要做一個最好嘅決定,您可以從呢5點去評估一吓:

1. 信譽度 – 公司在相關行業的資歷,擁有豐富行業經驗者較佳

2. 專注度 – 公司是持續、集中地發展有關項目,通過反覆實踐較能夠掌握技術

3. 認可度 – 公司有獲得專業資格認可,而且相關認證是達致國際級水平較佳

4. 培訓管理 – 透過正規的培訓及嚴謹的考核以獲取其專業資格較能提供安全可靠的服務

5. 地點分佈 – 分店選擇越多越方便,可免卻舟車勞頓之苦

BeautyMama 一直專注拓展同推廣孕婦按摩服務,早喺2011年我哋已經擁有世界知名嘅英國權威品牌 Elemis 認證我哋專業孕婦按摩技術能夠達致佢哋嘅要求同水平。

透過實證為本嘅正規培訓,確保按摩師水平同服務都能夠迎合孕婦需求。

除此之外,我哋亦多次接受傳媒訪問,去年更榮獲2大獎項「Baby-Kingdom 父母最愛孕婦按摩專門店獎」同「孕媽媽雜誌至尊媽寶品牌優秀獎」