fbpx

《順產準備》

Category : 懷孕中

生B揀順產定劏肚?相信唔少JM都曾經為此煩過! 作為過來人,我覺得其實係先苦後甜同埋先甜後苦既選擇,都係痛,差在係生時十級陣痛,定係事後傷口勁痛…….事實上,我當年係揀左順產,主要係BB經產道出嚟,對身體各項功能的發展都比較好,最重要係生完好快行得走得,唔駛呢頭卸貨,轉頭又揹返個傷口上身。

講到順產,最多人驚既,就係唔知幾時生,同埋生個陣痛幾耐,綜合左唔同JM既意見,除左做足產檢之外,其實準媽媽仲有唔少可以做既準備功夫,等自己生得順暢,生得快D痛少D,又同大家分享下!

  • 孕婦操 

即係可以增加骨盆寬度既肌肉鍛煉既運動,上網SEARCH〈孕婦操〉,就輕易搵到唔同孕期既VIDEO可以跟住做,坊間亦都有唔同既課堂可以報,緊記量力而為! 

  • 多行多走上樓梯

孕後期每天散步30至45分鐘,上落樓梯3-4層約10分鐘。多行多走可以強化臀部及腿部肌肉,又可以促進血液循環增強體質,生B時力氣都多D。

  • 孕婦按摩

依據不同孕期,按摩不同部位,可以加強盤肌運動,亦可以令準媽媽放鬆心情,減少孕期內既腰酸背痛及水腫,謹記搵專業既孕婦按摩服務供應商,咪亂按呀!

  • 控制體重

孕期體重增長最好少於30磅,懷孕後期少吃高熱量的食物。攝取足夠既蛋白質,以免BB太重磅,增加順產時既風險。

  • 補氣血

預產期前兩個月,用紅棗、花生、桂圓、百合、蓮子、黑米煲粥,每天一餐補氣血。產前喝蜂蜜水、茉莉茶,有助於軟化宮口。

  • 我做得到

根據資料顯示,80%以上既孕婦都係適合順產既,最緊要自己有信心,唔好一味只係諗住痛,放開心情,都對順產有幫助。

做好準備,預祝各位準媽媽,順產成功!

如果想試下 BeautyMama 嘅孕婦按摩療程,可以click入嚟先了解下我地6項皇牌療程 https://www.beautymama.com.hk/treatments/


相關文章 :

  1. 食全餐

  2. 性傳播疾病