《一文睇清懷孕前、中、後期要補充咩營養（中期）》

踏入懷孕中期（17~29週），胎兒嘅器官包括消化系統、泌尿系統、神經系統、生殖器官等已經大致成型。 除咗要繼續補充葉酸外，亦要注重鈣質，鐵質同不飽和脂肪酸好似DHA +EPA等嘅吸收。

鈣質

鈣質對胎兒同媽媽同樣重要， 建議每日吸收1000毫克：佢有助BB骨骼同牙齒發展，而由於胎兒完全透過媽咪吸收所需鈣，媽咪亦要確保自己有足夠鈣質。鈣質不足會令新陳代謝失常，容易腳抽筋，有機會導致骨質疏鬆。

鈣質需要透過維他命D轉化，先可以被身體吸收。所以除咗攝取適量嘅鈣，亦要注意補充適量維他命D，每日建議量為2,000IU左右。

鐵質

鐵質係造血同輸氧嘅重要營養元素，能夠促進嬰幼兒腦部發育，保護腦神經系統功能。懷孕期間，媽咪身體對血量嘅需求增加，若果血紅素嘅增加跟唔上，就會出現生理性貧血，影響胎兒含氧量同成長。

鋅

吸收足夠嘅身鋅可以減少媽咪流產、早產、疲勞、嘔吐等情況；亦避免BB大腦或器官發育功能不全

不飽和脂肪酸 DHA +EPA

DHA同EPA係維持神經系統同構成大腦同視網膜嘅重要元素。同鈣質一樣，呢兩種不飽和脂肪酸需從飲食中吸收。魚類有豐富嘅不飽和脂肪酸， 不過懷孕媽咪亦要注意， 避免進食大型魚類， 因為佢哋可能含有大量的汞，會損害胎兒嘅大腦和神經系統。

營養在內，按摩在外，想母嬰健康內外兼備，可以試下我地嘅孕婦按摩，了解詳情：      https://www.beautymama.com.hk/最新優惠

相關文章：