fbpx
  • -

《孕期適合做運動嗎?》

Category : Uncategorized

《孕期適合做運動嗎?》
懷孕期間好多人認為要停止所有運動,其實,適量運動對孕媽媽同埋BB雙方都有好處,只要係動作舒緩同埋柔軟嘅類別都係唔錯嘅選擇。
重要提示:
最緊要係了解自己嘅身體狀況,進行運動前先向醫生諮詢,了解乜嘢運動最適合自己。如果運動過程感覺太辛苦,上氣唔接客氣或者有任何嘅不適,就應該立即停落嚟,唔好強迫自己。
懷孕期間可以選擇嘅運動:
散步:
輕鬆咁散吓步,可以試吓每日步行 30分鐘,可以幫助消化之餘又可以促進血液循環。
小貼士:穿着平底鞋,約埋準爸爸一齊行,咁就可以令媽媽心情更加放鬆。
伸展運動:
合適嘅伸展運動可以令你身體保持靈活放鬆,預防肌肉拉傷。
小貼士:動作時應慢則慢,循序漸進,千萬唔好諗住一次到位,以免身體突然受到拉扯而受傷。
游水:
游水可以改善心肺功能,增強體力,係孕媽媽一個好好嘅段練方式。
小貼士:準備一對防滑拖鞋,以免唔小心跌倒。游水動作要輕柔,唔好過分伸展,避免潛水、游蛙式同埋蝶式,可以選擇背泳或者喺水裏面飄浮,輕輕咁打水。
孕婦按摩:
孕期按摩其實都算係一項運動,只不過係「被動式運動」。按摩係可以舒緩孕期時肌肉僵硬同埋酸痛,幫助改善血液循環,同時又可以令孕媽媽放鬆落嚟,有效緩解緊張同埋疲勞。
小貼士:孕婦按摩同一般按摩唔同,按摩手法同力道都唔同。所以要選擇可靠嘅專業孕婦按摩公司。
BeautyMama 作為一間經營超過10年嘅專業孕婦按摩公司,我哋清楚明白孕婦按摩除咗可以舒緩身體上不適外,仲可以幫助孕婦對抗抑鬱症。
如果想了解多d孕婦按摩可以嗎?可以參考返我哋呢個 post。